Qeshqerde Alim Mektepni Püttürüp Ish Tapalmighan Yashlarning Sani 27 Ming’gha Yetti

< Qeshqer géziti > ning 4 – ayning 24 – küni xewer qilishiche, nöwette Qeshqer wilayitide herqaysi ali we ottura texnikom mekteplirini püttürgendin keyin ish tapalmay jemiyette éqip yürgen yashlarning sani shiddet bilen köpeygen we hazir bu mesile Qeshqerning eng jiddi ijtimayi mesililirining birige aylinip qalghan.

Mesilen, ötken yili Qeshqer wilayitidin herqaysi ali mektep we ottura texnikom mekteplirini püttürüp qaytip kelgendin kéyin ish tapalmighanlarning sani 8000 neper bolup, aldinqilirini qoshqanda ularning omomiy sani 27 ming’gha yétip barghan.

Yuqarqi xewerde körsütülishiche, ularning köpünchisi namrat ayililerning perzentliri bolup, waqtida ish tapalmighachqa, turmushta jiddi qiyinchiliqqa duch kelgen, shunga, her derijilik xelq ishliri tarmaqliri bu yashlargha ish tepiwalghuchi bolghan ariliqta jan béqishi üchün melum miqdarda < sedeqe > tarqitishqa bashlighan.

Gerche mezkur xewerde yuqarqi yashlarning milliy terkibi heqqide izahat berilmigen bolsimu, emma wetendin kelgen inkaslardin körsütülishiche ularning hemmisi digüdek Uyghur yashliri bolup, hökümet tarmaqliri ularni, < siyasi jehettin ishenchisiz, Xenzuchini rawan bilmeydu > digendek bahaniler bilen ishqa qobul qilishni ret qilghan. Hazir Qeshqerning pütün hökümet tarmaqlirida we karxanilirida ishleydighan ishchi – xizmetchilerning köpünchisi Xitaylardin ibaret !