|
< Wetenperwer Diniy Zatlar > ning 5 – Qararliq Siyasi Kursi Ürümqide
Bashlandi
 < Xinjiang geziti > ning 4 – ayning 25 – küni xewer qilishiche, < aptonom
rayonluq yash we ottura yash wetenperwer diniy zatlarning 5 – qararliq kursi
> 4 – ayning 23 – küni Ürümqide bashlanghan.
< Aptonom rayonluq partikom > ning dayimi hey’et ezasi Shöwket Imin bu
qétimqi kursning deris bashlash murasimida qilghan sözide, diniy zatlardin
weziyetni yax’shi tonup yétip, wetenperwerlik en – enisige warisliq qilip,
dingha étiqad qilidighan keng amma bilen zich ittipaqliship, < 3 xil küchler
> ge qarshi küresh qilishni, emiliy heriketliri arqiliq, partiye we hökümet
ishinidighan heqiyqi wetenperwer diniy zatlardin bolup chiqishni telep
qilghan.
U yene, dinni sotsiyalizimgha maslashturush we dinni sotsiyalizim üchün
xizmet qildurushni alahide telep qilghan.
Yuqarqi xewerde körsütülishiche, < aptonom rayon > luq hökümet, 2003 –
yilidin étibaren siyasi jehettin ishenchilik we siyasi ang – sewiyesi yuquri
bolghan bir türküm < wetenperwer diniy zatlar qoshuni > ni yétishtürüp
chiqish meqsidide, Ürümqide < wetenperwer diniy zatlar kursi > ni tesis
qilip, Sherqiy Türkistanning herqaysi rayonliridin bir türküm yash we ottura
yash diniy zatlarni bu kurslarda terbiyeleshke bashlighan we hazirgha qeder
4 kurs tamamlanghan.
Mahiyette bolsa Xitay hökümiti teripidin tesis qilinghan bu kurs, öz
millitidin we imanidin tenishtin bash tartmaydighan bir türküm qizilpachaq
chala mollilarni yétishtürüp chiqish meqsidide tesis qilinghan bolup, bu
kurslarni püttürgen qizilpachaq chala mollilar herqaysi rayonlardiki
nuxtuluq mesjidlerge imam – mezinlikke teyinlenmekte we ular mesjidlerde
jama’etke kompartiyening siyasitini teshwiq qilip kelmekte..
|
