|
Bingtuan Türmisidiki Uyghur Mehbus
Sherqiy Türkistanda öz aldigha musteqil xandanliq qurulwalghan Bingtuan
qarmighidiki türmilerde köpligen Uyghur mehbuslarning qamilip yétiwatqanliqi
hemmige bilinip kélinmekte.
Bolupmu 97 – yilidiki < 5 – fewral > Ghulja weqeside qolgha élinghan Uyghur
yashlirining köpünchisi Bingtuan qarmighidiki türmilerge qamalghan we ular
bu türmilerde Bingtuan saqchilirining qattiq qiyin – qistiqigha uchrighan,
shundaqla ular türme hayatida ata – ana we bala – chaqiliri bilen körüshüsh
hoqoqidinmu mehrum qaldurulghan idi.
Emma Xitay hökümiti yerlik mehbuslarning Bingtuan türmilirige
qamalghanliqini bashtin – axir inkar qilip kelgen, Bingtuan türmiliride
peqetla Bingtuan tewesidiki jinayetchilerning qamalghanliqini ilgiri sürüp
kelgen idi.
Emma, Yéqinda < Ili geziti > de elan qilinghan bir parche süretlik xewer,
Xitay hakimiyitining saxtipezlikini otturigha chiqirip turmaqta.
Mezkur xewerde körsütülishiche, 3 – ayning 27 – küni, Bingtuanning Ilide
turushluq 4 – dewiziyesi sot mehkimisining sotchiliri, < Qorghas bozyer
özleshtürüsh türmisi > ge kélip, bu türmide yétiwatqan Turghan Jüme isimlik
mehpusgha qarita qanun teshwiqati élip barghan.
|
