Ürümqi Ahalisining Bir Ayliq Kirimi Hoten we Qeshqer Déhqanlirining Bir Yilliq Kirimi Bilen Teng

Xitay hakimiyitining Sherqiy Türkistanda iqtisadi jehette Xitay köchmenliri bilen yerliklerge qarita periqliq siyaset yürgüzüp kéliwatqanliqi, bu rayonda turmush sewiyesi we iqtisadi kirm jehette Xitaylar bilen yerlikler otturisida ikki qutupning shekillinishige sewepchi bolmaqta.

Mesilen, Ürümqini élip eytsaq, bu sheher Sherqiy Türkistan boyiche Xitaylar eng zich olturaqlashqan sheherlerning biri bolup, hökümetning resmiy statiskilirida körsütülishiche, 2 milyon 82 ming noposqa ige bu sheherning ahalisining 75.4 pirsenti Xitay, 24.6 pirsenti < azsanliq millet > lerdin terkip tapqan.
Bu sheherde yashawatqan 49 milletning ichide Uyghurlarning sani 10 pirsentnimu teshkil qilmaydu.

< Ürümqi kechlik géziti > ning 4 – ayning 24 – küni xewer qilishiche, buyilning birinchi peslide, Ürümqi sheher ahalisining kishi béshigha toghra kélidighan ayliq sap kirimi tunji qétim ming yuandin éship, 1108.37 yuange yetken we ötken yilning ox’shash mezgilidikidin 15.69 pirsent ashqan. Sheher ahalisining Iqtisadi kirimi jehette Ürümqi Xitayning gherbiy shimaldiki 5 ölkisi boyiche 2 – orunda turidiken.

Emma, Xitay hökümitining resmi statiskilirida, Qeshqer we Hoten wilayetliridiki yerlik déhqanlarning kishi béshigha toghra kélidighan yilliq sap kirimi aran 1000 yuan etrapida körsütülmekte.

Wetendin kelgen inkaslardin melum bolushiche, Xitay hökümiti teripidin < jenoptiki namrat rayonlar > dep atalghan Qeshqer, Atush we Hoten wilayetliridiki yerlik déhqanlar ichide heptilep, hetta aylap gösh yiyelmeydighan ayililerning sanimu intayin köp bolup, teklimakan girwigidiki xéli köp nahiye we yézilarning Afriqida qehetchiliki boluwatqan rayonlardin anche perqi yoq.