Gansu Ölkisidin Sherqiy Türkistangha <Ishlesh> Digen Namda Éqip Kelgen Xitay Köchmenlirining Sani 600 Mingdin Ashidu

Sherqiy Türkistanning yerlik déhqanliri, < éshicha emgek küchliri > digen nam bilen Xitayning ichki ölkilirige sürgün qiliniwatqan shu künlerde, Xitayning bezi ölkiliri Sherqiy Türkistangha < ishchi > digen namda Xitay köchmini yötkeshni jiddileshtürmekte.
Xitayning Sherqiy Türkistandiki Hökümet tarmaqliri, bolupmu atalmish < ishlepchiqirish qurulush Bingtuani > ning herqaysi déwiziyéliri, ichki ölkilerdin kéliwatqan Xitay aqqunlirigha azade yashash mohiyiti hazirlap bérishqa tiriship kelmekte.

Mesilen, < Xinjiang géziti > ning 4 – ayning 24 – küni xewer qilishiche, Gansu ölkisining mu’awin bashliqi Shijün bashchiliqidiki < Gansu ölkilik emgek mulazimiti iqtisadi tekshürüsh ömigi > 4 – ayning 21 – küni Üürmqide, < aptonom rayonluq hökümet > we < Bingtuan > ning rehberliri bilen, emgek mulazimiti hejettiki hemkarliqni kücheytish heqqide söhbet élip barghan.

Gansudin kelgen bu ömek, 4 – ayning 17 – künidin 20 – künigiche, Bingtuanning herqaysi déwiziyélirini ziyaret qilip, Bingtuan qarmighida ishlewatqan Gansuluq köchmenlerni yoqlighan.

Gansu ölkisining mu’awin bashliqi Shijün ziyaret jeryanida qilghan sözide, yeqinqi yillardin buyan Gansu ölkisining Sherqiy Türkistangha emgek küchi yötkeshke alahide ehmiyet bergenlikini, ötken yilning axirigha qeder Gansudin Sherqiy Türkistangha ishleshke kelgen Xitaylarning sanining 610 ming neperge yetkenlikini, bulardin 400 mingidin köpirekining Bingtuan qarmighida ishlewatqanliqini, Gansuluq Xitaylarning bu jeryanda 2 milyart 100 milyon yuan kirim qilghanliqini bayan qilghan.

Bu qétimqi ziyaret jeryanida, Gansu ölkisi bilen Bingtuan otturisida emgek küchlirini yötkep ishlitish heqqide kélishim imzalanghan.

< Xinjing xelq radio istansisi > ning 3 – ayning 25 – künidiki xewiride, < aptonom rayonluq > emgek tarmaqlirining 2007 – yili ichide Sherqiy Türkistanning yéza – qishlaqliridin 100 ming déhqanni Xitayning ichki ölkilirige ishleshke iwetishni pilanlighanliqi qeyt qilinghan idi.

Dimek bunungdin, Xitay hakimiyiti teripidin Sherqiy Türkistanda otturigha qoyghan, < éshincha emgek küchlirini ichki ölkilerge bérip ishleshke yüzlendürüsh > digen chaqiriqining, pütünley yerliq xelqni Xitay qaynimi ichide éritip yoqutush meqsidide pilanlanghan siyasi süyqesttin ibaret ikenliki ochuqche ispatlinip turmaqta.