Sherqiy Türkistanda AIDS Kesellikige Giripdar Bolghuchilarning 90 Pirsenti Yashlar

< Xinjiang iqtisat geziti > ning 4 – ayning 21 – küni xewer qilishiche, nöwette Sherqiy türkistanda AIDS wirusini yuqturuwalghuchilarning asasliq qismi yashlar bolup, 20 yashtin 40 yashqiche bolghanlar, AIDS wirusini yuqturuwalghuchilarning omomiy sanining texminmen 90 pirsentini teshkil qilidiken.

Yene kélip AIDS wirusini yuqturuwalghuchilarning köpünchisi zeherlik chekimlik chekküchiler bolup, özige okul yingnisi bilen zeherlik chekimlik urush jeryanida yuqturiwalidiken. Chünki ular okul yingnisi ishletkende dezinpeksiye qilmaydiken we birsi ishletkenni bashqilirimu arqa – arqidin ishlitidiken.

Xitay hökümiti ötken yilning axirighiche Sherqiy türkistan boyiche 103 nuxtida okul yingnisi tegiship berish ponkiti qurup, zeherlik chekimlik chekidighan 4000 din artuq kishige 280 ming dane yéngi okul yingnisi tarqitip berip, ular ishlitip kéliwatqan 280 ming kona yingnini yighiwalghan bolsimu, emma AIDS wirusini tizginlesh jehette körünerlik bir ünüm hasil qilalmighan.