|
Ismayil Emet, Xitaydiki < Xinjiang Toluq Ottura Sinipi > ni Ziyaret Qildi
< Ningbo geziti > ning xewer qilishiche, 4 – ayning 19 – küni, < Xitay xelq
qurultiyi > ning mu’awin reyisi we Sherqiy Türkistanning sabiq qorchaq
reyisliridin Ismayil Emet, Xitayning Ningbo shehridiki bir Xitay ottura
mektiwide tesis qilinghan < Xinjiang toluq ottura sinipliri > ni ziyaret
qilip, bu siniplarda oquwatqan Uyghur oqughuchilar bilen körüshken.
Körüshüsh jeryanida Ismayil Emet Uyghur ösmürlirige dap we rawap sogha
qilghan.
Yuqarqi xewerde körsütülishiche, Xitayning ichki ölkiliridiki Xitay ottura
mektepliride atalmish < Xinjiang toluq ottura sinipliri > tesis qilinishqa
bashlanghan 2000 – yilidin buyan, peqet Ningbo shehridiki Xitay mektepliride
14 < Xinjiang toluq ottura sinipi > tesis qilinip, bu siniplargha Sherqiy
Türkistandin 1000 din artuq Uyghur ösmür yötkep kélinip oqutulghan. Hazir bu
sheherde oquwatqan Uyghur ösmürlirining sani 560 neper iken.
Xitay hökümiti, Uyghurlarning milliy ma’aripini xitaylashturush we uyghur
yashlirini atsimilatsiye qilish qedimini tezlitish meqsidide, 2000 – yilidin
étibaren Xitayning herqaysi ölkiliridiki ottura mekteplerde atalmish <
Xinjiang toluq ottura sinipi > ni tesis qilip, Sherqiy türkistanning jenobi
rayonlirini asas qilghan halda bir türküm uyghur yashlirini bu < Xinjiang
toluq ottura sinipliri > gha iwetip terbiyileshke bashlighan idi.
< Xinjiang iqtisat géziti > ning xewer qilishiche, 2000 – yilidin bashlap
hazirgha qeder Sherqiy Türkistandin 13 ming 685 neper yerlik oqughuchi
Xitayning ichki ölkiliride tesis qilinghan atalmish < Xinjiang toluq ottura
sinipliri > gha iwetilgen.
hökümiti 2010 – yiligha qeder bu < Xinjiang toluq ottura sinipliri > gha
iwetidighan oqughuchilarning yilliq sanini 20 minggha yetküzüshni
pilanlighan.
|
