Xitay Hakimiyitining Rabiye Xanimni, < Zeherlik Chekimlik Satqan > Dep Qarilishi, Weten Ichi We Sirtidiki Uyghurlarning Qattiq Gheziwini Qozghidi

(Töwende: Rabiye xanimning < tianshan tori > da yer alghan yéngi resimi)

Xitay hakimiyitining Sherqiy Türkistandiki eng asasliq axbarat wastisi hisaplanghan < tiashan tori > da, milliy rehbirimiz we meniwiy animiz Rabiye xanimning oghli Ablikim Abdurehimning 9 yilliq qamaq jazasigha höküm qilinghanliqi munasiwiti bilen mexsus bir maqale elan qilinghan bolup, mezkur maqalining axirida Rabiye xanimgha qarita, < ilgiri u zeherlik chekimlik sodisi bilen shughullanghan > digen ibare qollunulghan we bu maqaligha qoshup Rabiye xanimning bir parche süriti birge berilgen.

ETIC ning wetendin biwaste igellishiche, Xitay hökümitining Rabiye xanimni, < zeherlik chekimlik satqan > dep qarilishi, Ürümqi we bashqa rayonlardiki yerlik Xelq ichide küchlük inkas qozghighan. Bu xewerni oqughan köpligen Uyghurlar, < hökümet ilgiri Rabiye xanimni “halal mihnitige tayinip beyighan karxanichilarning ülgisi „ dep özi kökke kötergen idi, Rabiye xanimning pakiz we diyanetlik bir sodiger ikenliki pütün xelqimizge ayan, unung qanungha xilap birmu sodisi yoq, ehwal shundaq iken, uni zeherlik chekimlik sodisi bilen baghlap qarash heqiyqeten nomussizliq > dep naraziliqlirini ipade qilishqan.

Chetellerdiki Uyghurlarmu Xitay hakimiyitining buxil qarilashlirigha qarita, < bu hakimiyetning neqeder zeril, neqeder nomussiz we neqeder töhmetxor ikenliki ochuqche ispatlinip turuptu, Xitay mustemlikichilirining buxil töhmetliri, Xelqimizning Rabiye xanimgha bolghan hörmitige esla tesir körsütelmeydu > dep qarashmaqta.

Milliy rehbirimiz we Meniwiy animiz Rabiye xanimning Xelqara siyasi sehnilerdiki tesiri we inawitining kündin – künge küchüyishi, kommunist Xitay hakimiyitini qattiq sarasimige sélishqa bashlidi. Shunga Xitay hakimiyiti Rabiye xanim we unung perzentliri heqqide nomussizlarche yéngi – yéngi töhmetlerni toqup chiqip, Rabiye xanim we unung ayilisige qaratqan siyasi ziyankeshlikini peydin – pey ashurup kelmekte..