Buyilning Birinchi Peslide Sherqiy Türkistan Boyiche 177 Qétim Qatilliq Weqesi Yüzberdi

Nöwette Sherqiy Türkistandiki her derijilik qanun tarmaqliri pütün küchini Uyghurlarning milliy heriketlirini basturushqa qaratqini üchün, bu rayonda Xitay aqqunliri teripidin sadir qilinghan jinayi ishlar dilolirining sani shiddet bilen köpeymekte.

Hazir Sherqiy Türkistan Xitay jinayetchilirining zorluq – zobbuluq qilidighan jennet makamigha aylinip qaldi.

< Xinjiang géziti > ning xewer qilishiche, 4 – ayning 20 – küni < Aptonom rayonluq jama’et xewipsizlik nazariti > Ürümqide axbarat élan qilish yighini chaqirip, buyilning birinchi peslide yüzbergen qatilliq weqeliri heqqide Hökümetning axbarat wastilirigha melumat Bergen.

Yuqarqi axbarat élan qilish yighinidin melum bolushiche, 2007 – yilning birinchi peslide pütün Sherqiy Türkistan boyiche 177 qétim qatilliq dilosi yüzberip, 169 kishi ölgen. Qatilliq diloliri ötken yilning ox’shash mezgilidikidin 8.85 pirsent ashqan.

Qatilliq weqelirining 53 pirsenti sheherlerde, 47 pirsenti bolsa yeza – qishlaqlarda yüzbergen.

Qatilliq weqelirining yüzberish nishbiti jehette Ürümqi bilen Hoten aldinqi qatarda bolup, buyilning birinchi peslide Ürümqide 19 qétim, Hoten wilayitide 10 qétim qatilliq weqesi yüzbergen.

Undin bashqa yene buyilning birinchi peslide Sherqiy Türkistan boyiche yüzbergen bulangchiliq we oghruluq dilolirining sani 18 ming 841 qétim bolup, ötken yilning ox’shash mezgilidikin 3.4 pirsent ashqan, bulangchiliq we oghruluq dilolirining pash qilinish nisbiti aran 36.8 pirsent bolghan.

Xitay hökümitining özining axbarat wastilirida körsütülishichimu, Sherqiy Türkistanda qatilliq, bulangchiliq, oghruluq, aldamchiliq … qatarliq jinayetlerni sadir qilghuchilarning mutleq köp qismini Xitay köchmenliri teshkil qilmaqta..