Falungong Mesulliri, Xitay Xelqining Sherqiy Türkistan Mesilisi Heqqide Yéterlik Melumatqa Ige Emslikini Bayan Qildi

Öz xewirimiz: yéqinda Germaniyediki < Falungong > teshkilatliri, München sheher merkizidiki Karlsplats meydanida Xitay hakimiyitining Falungong muritlirigha izchil türde ziyankeshlik qilip kéliwatqanliqigha qarshi naraziliq pa’aliyiti élip bardi.

Pa’aliyet jeryanida, Falungong teshkilatining mesulliridin doktur Huang si fan xanim söz qilip, Xitayda kishilik hoqoq weziyitining kündin – künge nacharliship kétiwatqanliqini, Xitay hakimiyitining demokratik islahat élip baridighanliqi heqqide Yawropa ellirige köp qétim wede bergen bolsimu, emma, demokratik islahat we kishilik hoqoq jehette héch bir ijabi qedem tashlimighanliqini, peqetla quruq wediler bilen dunya jama’etchilikini koldurlutup kelgenlikini bayan qildi.

Huang si fan xanim, pa’aliyet jeryanida < Uyghur téléwiziyesi > ning muxpirining Sherqiy Türkistan mesilisi heqqide sorighan so’allirigha jawap bérip, < biz, Falungong teshkilati bolush süpitimiz bilen kommunistik hakimiyetning Uyghur xelqighe séliwatqan zulmini bilimiz, emma Xitaydiki köp sandiki puxralarning Uyghurlar mesilisi heqqide yéterlik melumati yoq, hökümetning Uyghurlargha qaratqan zulum siyasitining mahiyitini bilmeydu, bu jehetlerde Xitay xelqighe qarita aktip türde teshwiqat élip bérish lazim > dep körsetti.