ETIC ning Bayanati:
Mustebit Xitay Hakimiyiti Rabiye Xanimning Perzentige Ziyankeshlik Qilish Arqiliq, Özining Rezil Qiyapitini Dunyagha Qaytidin Ashkarilap Berdi

Xitay sot mehkimilirining héch bir qanuniy asasqa tayanmastin milliy rehbirimiz Rabiye Qadir xanimning wetendiki oghli Ablikim Abdurehimni siyasi böhtan bilen 9 yilliq qamaq jazasigha höküm qilghanliqi, bu mustebit we Fashist hakimiyetning rezillikini we gheyri insani qiyapitini dunyagha yene bir qétim ashkarilap berdi.

Biz, < Sherqiy Türkistan informatsiyon merkizi > bolush süpitimiz bilen, meniwiy animiz we milliy rehbirimiz Rabiye xanigha semiymi teselliyimizni izhar qilish bilen birge, qanun – yasaq we insaniy peziletlerdin tamamen yoqsun mustebit kommunist Xitay hakimiyitige bolghan ghezep – nepritimiz we lenitimizni bildürmekchimiz !

Gheyri insani Xitay hakimiyitining Rabiye xanimning wetini we millitige bolghan cheksiz söygüsini ajizlashturush, unung insaniyet dunyasidin yoqulup kétish xetirige duch kéliwatqan xelqining mewjutluqi, erkinliki, hörliki we azatliqi üchün élip beriwatqan heqqani we shereplik kürishini tosush meqsidide qollanghan bu rezil süyqesti esla emelge ashmaydu, eksiche Xitay hakimiyitining anisidin öch élish üchün balisini görege élish we jazalashtek buxil döwlet rerorluq qilmishi, dunya jama’etchilikining bu rehimsiz hakimiyetke bolghan öchmenlik tuyghulirini kücheytipla qalmastin, belki pütün Sherqiy Türkistan xelqining meniwiy animiz Rabiye xanimgha bolghan hörmitini, qollishini we milliy musteqilliq kürishige bolghan iradisini yenimu ashuridu !

Biz, Rabiye xanimni pütün küchimiz bilen qollap – quwetleydighanliqimizni we unung bilen her zaman bir ten, bir jan bolup küresh qilidighanliqimizni qayta jakalash bilen birge, Xitay hakimiyitining yuqarqi rezil qilmishigha qarita ejellik inkas qayturidighanliqimizni bildürimiz !

Abdujelil Qaraqash

< Sherqiy türkistan informatsiyon merkizi > ning reyisi .