Xitay Hakimiyiti Jenobi Rayonlarda Atalmish < Qosh Tlliq Yesli > Qurulushini Jiddileshtürmekte

( Sürette: Üchturpan nahiyesi Imam yézisi Ulughyaylaq kentidiki qosh tilliq yesli balliri )

< Sherqiy Türkistan informatsiyon merkizi > ning wetendin biwaste igellishiche, nöwette Sherqiy Türkistanning jenobi rayonliridiki her derijilik hökümetler déhqanchiliq ishlepchiqirishini bir chetke qayrip qoyup, pütün küchini milliy ma’aripni xitaylashturush siyasitini kücheytishke we yeza – qishlaqlardiki atalmish < qosh tilliq yesli > lerning sanini hessilep köpeytishke qaritishqa bashlighan.

yéziliq hökümetler Uyghur déhqanlirigha perzentlirini < qosh tilliq yesli > dep atalghan Xitayche yeslilerge berishni siyasi wezipe qilip tang’ghan bolup, buni ret qilghuchi déhqanlarni siyasi we qanuniy jehettin tehdit selish, iqtisadi jehettin jazalash, ijtimayi jehettin chetke qeqish … qatarliq wastilar bilen boyun egdürüshke urunghan.

Xitay hakimiyiti Uyghur ma’aripini xitaylashturush siyasitini ongushluq we tez sürette élip berishqa kapaletlik qilish üchün, kelgüsi 5 yil ichide, Sherqiy Türkistanning Uyghurlar bir qeder zich olturaqlashqan Aqsu, Qeshqer, Atush we Hoten rayonliridiki 56 nahiyede 430 milyon yuan meblegh sélip, 1009 milliy bashlanghuch mektepte < qosh tilliq telim – terbiye kursi > éhip, bashlanghuch mektepke qobul qilinidighan milliy ösmürlerge qarita mektepke kirishtin burun mexsus Xitayche deris berishni qarar qilghan idi.

Keyinki birqanche yil ichide Xitay hakimiyiti Sherqiy Türkistanda milliy ma’aripni Xitaylashturush jehette zor qedem tashlighan bolup, hazir pütün sherqiy türkistan boyiche atalmish < qosh tilliq oqutush > siniplirining omomiy sani 5000 gha, unungda oquwatqan oqughuchilarning sani bolsa 150 minggha yetti..