|
Xitay Hökümiti Aldimizdiki 5 Yil Ichide Sherqiy Türkistanda 9 Nuxtuluq
Tömüryol Qurulushi Elip Barmaqchi
< Xin hua axbarat agentliqi > ning 4 – ayning 17 – küni bergen
xewiride körsütülishiche, Xitay hökümiti 2010 – yilighiche Sherqiy
Türkistanning tömüryol tiransiport léniyésini 4000 kilométirgha, yilliq
yoluchi toshush miqdarini 14 milyon 500 ming kishige we yilliq mal toshush
miqdarini 72 milyon tonnigha yetküzüshni pilanlighan.
Aldimizdiki 5 yil ichide élip bérilidighan tömüryol léniyési qurulushi bolsa,
Jing he – Ghulja – Qorghas tömüryol léniyési, Ürümqi – Jing he tömüryol
qoshunche léniyési, Turpan – Korla qoshumche léniyési, Küytung – Bei ting
tömüryol léniyési, Xitay – Qirghizistan – Özbekistan tömüryol léniyési,
Qeshqer – Torghat alahide léniyési, Qeshqer – Hoten léniyési, Jia yü guan –
Ürümqi – Alataw léniyési qatarliqlarni öz ichige alidiken, shundaqla Sherqiy
Türkistanning shimalidiki tömüryol léniyélirimu kengeytip qurulidiken.
Xitay hakimiyitining atalmish < chong gherbi shimalni echish pilani > yolgha
qoyulghan 2000 – yilidin buyan Sherqiy Türkistanda jiddi türde élip
bériwatqan tömüryol léniyési qurulushi, tamamen Sherqiy Türkistanning tebiy
bayliqlirini talan – taraj qilish web u rayongha Xitay köchmini yötkesh
qedimini tézlitish meqset qilinghan bolup, nöwette her küni Xitaydin poyez
bilen Sherqiy Türkistangha eqip kiriwatqan Xitay köchmenlirining sani 15
mingdin ashidu.
Sherqiy Türkistanning shimali we jenobi rayonlirigha poyez qatnighandin
buyan, bu rayonlardiki Xitay köchmenlirining sanida roshen bir eshish
körülmekte.
Gerche Xitay hakimiyiti, < tömüryol qurulushi élip bérishtiki meqset, yerlik
xelqning turmush sewiyésini yuquri kötürüshtin ibaret > dep jar sélip kelgen
bolsimu, emma hazirgha qeder yerlikning turmush sewiyéside hech bir
ilgirlesh hasil bolghini yoq, eksiche bichare Uyghur déhqanliri ene shu
poyez léniyéliri bilen Xitayning ichki ölkilirige sürgün qilinmaqta.
|
