Ürümqide Göshning Bahasi Yene Örlep Ketti

< Ürümqi kechlik géziti > ning 4 – ayning 17 – küni xewer qilishiche, 2007 – yilining birinchi peslide Ürümqi shehride kala göshi bilen qoy göshining bahasi shiddet bilen örlep ketken.

Mesilen, hazir bir kilogiram qoy göshining bahasi eslidiki 16.6 yundin 19.8 yuange chiqip, 36 pirsent örlep ketken.

Kala göshining bir kilogirami eslidiki 12.6 yuandin 18 yuange chiqip, 27 pirsent örlep ketken we yeqinqi 3 yildin buyanqi eng yuquri sewiyege chiqqan.

Emma, choshqa göshining ösüsh nisbiti aran 6.8 pirsent bolghan.
Ürümqide kala we qoy göshlirining bahasining örlep kétishige, Xitay sodigerlirining ichki ölkilerge köp miqdarda kala we qoy yötkep sétishi sewepchi bolghan.

Chünki Sherqiy Türkistanning qoy we kalilirining göshi temlik we quwetlik bolghini üchün, Xitayning ichki ölkilirige baziri intayin ittik iken, unung üstige Sherqiy Türkistanda yashawatqan Xitay köchmenlirimu qoy we kala göshi yiyishke könüwalghan, ilgiri Xitaylar bolupmu qoy göshini, < puraydu > dep yimeytti, hazir bolda del bunung eksiche, choshqa göshini < sésiq puraydu, terkiwide mikrop köp > dep yimeydighan boluwalghan.