Mushu Ayning Axiri Tarimdiki Yéngi Mehelle Tebiygaz Meydani Xitayning 34 Shehrini Tebiygaz Bilen Teminlimekchi

Sherqiy Türkistanning néfit we tebiygazi Xitayning ichki ölkiliridiki chong sheherlerning jan tomurigha aylinip qaldi.

Mesilen, < Xitay xewer tori > ning 4 – ayng 17 – küni xewer qilishiche, Tarimdiki yéngi mehelle tebiygaz meydani pütün Xitay boyiche eng chong tebiygaz meydani bolup, Sherqiy Türkistanning jenobidiki Shingxa we Aqsu konasheher nahiyélirining otturisigha jaylashqan.

Xitay hökümiti bundin bir yil burun yéngi mehelle tebiygaz meydanighan 1 milyart 200 milyon yuan meblegh salghan idi, hazir bu tebiygaz meydanining qurulushi pütken we 4 – ayning axiridin étibaren turobba léniyési arqiliq Xitaygha tebiygaz aqquzulushqa bashlaydiken.

Yéngi mehelle tebigaz meydani, Xitayning Bei Jing we Shanghaini merkez qilghan 34 sheherni tebiygaz bilen teminleydiken.

Yéngi mehelle tebiygaz meydaning yilliq tebiygaz ishlepchiqirish miqdari texminen 2 milyart 500 milyon kup / métirgha yétidiken. Undin bashqa yene Yéngi mehellining yilliq néfit ishlepchiqirish miqdarimu 500 ming tonnigha yétidiken.

Yéngi mehelle tebiygazining Xitaygha aqquzulushi bilen, Xitayning köpligen chong sheherlirining yeqilghu yétishmeslik qiyinchiliqi asasi jehettin hel bolidiken.

Epsuski nöwette Sherqiy Türkistanning asasliq néfit we tebiygaz bazisi hisaplanghan Tarim oymanliqidiki Uyghur déhqanlirining iqtisadi kirimi pütün Xitay boyiche eng axirqi orunda turup kelmekte, Tarim oymanliqining hemmila yéridin bulduqlap néfit chiqiwatqan shu künlerde, bu oymanliqqa jaylashqan nahiye we yézilardiki Uyghur déhqanliri türküm – türkümlep bashqa yurtlargha sürgün qilinmaqta..