3 Buyil Hoten Nahiyésidin 34 Ming Yerlik Déhqan Sirtqa Medikarliqqa Iwetilidu

< Tianshan tori > ning 4 – ayning 17 – küni xewer qilishiche, Hoten nahiyési buyilning ichide herqaysi yeza kenitlerde omomiy yüzlük seperwerlik élip bérip, 34 ming yerlik déhqanni bashqa yurtlargha medikarchiliqqa iwetishni pilanlighan.

Hoten nahiyelik partikom we xelq hökümiti, Xitayning Zhe Jiang ölkisi we < aptonom rayon > diki munasiwetlik tarmaqlar bilen eshinche emgek küchlirini sirtqa yötkep ishlitish heqqide kélishim tüzgen bolup, Hotenlik Uyghur déhqanlarning bir qismi Xitayning ichki ölkilirige iwetilidiken.

Nahiyélik ittipaq komutéti öymu – öy timisqilap yürüp, < sirtqa ishleshke baridighan ayililerning qiyichiliqini hel qilimiz, tériqchiliqning aldirash mezgilide adem ajritip déhqanchiliq ishliringlargha yardem qilimiz, ensirimey kétiwéringlar > digendek chirayliq wediler bilen yerlik déhqanlarni öy – makanini we bala – chaqisini tashlap bashqa yurtlargha medikarchiliqqa bérishqa seperwer qilishqa bashlighan.
.