Xitay Hakimiyiti Qurban Tulumni Hotenning Simowuligha Aylanduruwaldi

Qurban Tulum, Xitay hakimiyitining neziride kompartiye üchün jeninimu ayimaydighan sadiq we ita’tmen bir qulning simowuli, emma yerlik xelqning neziride Qurban Tulum kallisidin ketken ghurorsiz we imansiz bir axmaq.

Bir zamanlar bu axmaq déhqan Maozedung bilen körüshüp, unung’gha Uyghur xelqining < salimi > we < rexmiti > ni öz aghzi bilen yetküzüsh üchün, ishekke minip Bei Jing’gha bérishqa temshélgen, kéyin hökümet unung sadaqetmenlikini körüp, uni Bei jing’gha apirip Mao ze dung bilen körüshtürgen, shundin kéyin unung dangqi chiqip, birdinla hemmige tonush cholpangha aylanghan idi.

Gerche aridin uzun yillar ötken bolsimu, emma Xitay hakimiyiti bu déhqanning axmiqane ish – izlirini bolushigha teshwiq qilip, uni pütün Uyghurlarning ügünüsh ülgisi qiliwalghan, hetta bir nechche yil burun unung hayati heqqide mexsus kino ishlengen, Hoten shehrining merkizige unung Mao ze dung bilen körüshiwatqan heykili tikilip, yerlik xelqni unung heykilige choqunushqa qistap kelgen idi. Hazirmu hem bu heykel Hotendiki hökümet tarmaqlirining eng asasliq teshwiqat wastilirining biri bolup, hökümetning eng asasliq pa’aliyetliri bu heykelning aldidiki meydanda ötküzülüp kelinmekte web u heykel hazir Hotenning simowuligha aylinip qaldi..