Xitay Hakimiyiti, < Pilanliq Tughut > dep Jar Séliwatqan Shu Künlerde, Qaghiliq Nahiyesidiki Déhqan Ayal Amine Ablet Biraqla 4 Gizek Tughdi

( Töwendiki sürette: Aminening 4 gizek balisi, salametliki nahayiti yax’shi iken )

< Tianshan tori > ning 4 – ayning 11 – künidiki xewiride körsütülishiche, Qaghiliq nahiyesining Xan’eriq baziridiki Mettursun Musaning ayali Amine Ablet, Allahning berikiti bilen Qurban heytning 2 – küni biraqla 4 gizek tuqqan, emma unung ayilisidikiler hökümetning, < pilandin sirt perzent kördüng > dep ésiliwélip jazalishidin qorqup, bu xewerni 75 kün yoshurushqa mejbur bolghan.

Yuqarqi xewerde körsütülishiche, weqening jeryani mundaq bolghan:
Buyil 28 yashqa kirgen we bundin 8 yil burun bir perzent körgen Amine Ablet, ötken yili qayta hemildar bolghan, aldinqi Qurban heytning 2 – küni Amine qattiq tolghaq tutqini üchün, yoldishi Mettursun uni derhal doxturxanigha aparghan, emma doxturlar tekshürüp körgendin kéyin, < emdila 8 ayliq boptu, tughutqa yene bir mezgil bar > dep qayturiwetken.

Amine yoldishi bilen öyige qaytip texi 15 minut öte – ötmeyla tunji bala tughulushqa bashlighan, unung ayilisidikiler doxturxanigha berishqa ülgirelmey bir tughut anisini chaqirip kelgen, awal keyni – keynidin 3 bala tughulghan, Aminening ayilisidikiler bunung’gha qattiq heyran bolup ganggirap turghanda, yene 4 – bowaq dunyagha kelgen, bowaqlarning ikkisi qiz, ikkisi oghul iken. Bunung bilen Aminening pütün ayilisidikilerni qattiq ghem basqan, chünki awalqi balisii qoshqanda, bir kéchidila ularning balisi 5 bolghan, ular hökümetning, < pilandin sirt perzent körüpsen > dep jazalishidin qattiq qoruqqan, unung üstige ularning ayilisining hal – künimu nachar iken.

Shunung bilen Aminening ayilisidikiler jiddi ayile yighini chaqirip, bu xewerni sirtqa hergiz tuyghuzup qoymasliq heqqide qarar alghan.

Epsuski aridin 75 kün ötkendin kéyin, Mettursunning xoshniliri unung öyidin bir top balining yigha awazini anglap heyran qélishqan we bu ixtin xewer tepip, bu xewerni sirtqa yéyiwetken.

Xitay hökümitining Uyghurlarning neslini qurutushni meqset qilghan < pilanliq tughut > siyasiti rehimsizlerche ijra qiliniwatqan, hetta Uyghur déhqanlirinimu peqetla bir perzent körüshke qistawatqan shu künlerde Aminening biraqla 4 gizek tuqqanliq xewiri pütün nahiyeni zil – zilige salghan, shunung bilen unung öyini yiraq – yéqindin kelgen ziyaretchiler bésip ketken, kishiler ulargha bes – bes bilen türlük yardemlerni qilishqa bashlighan.. .
.