|
Atushta Diniy Zatlargha Siyasi Terbiye Kursi
< Qizilsu géziti > ning xewer qilishiche, buyil 1 – ayda Pamir weqesi yüz
bergendin buyan, Xitay hökümiti < Qizilsu Qirghiz abtonom oblasti > gha
qarashliq barliq nahiye we yézilardiki diniy zatlarni türküm boyiche Atush
shehrige yotkep kélip mejburi siyasi telim – terbiye kurslirigha
qatnashturushqa bashlighan.
4 – ayning 2 – küni, oblastqa qarashliq herqaysi nahiyelerge qarashliq yeza
– kenitlerdin yighip kélingen 70 neper Diniy zat, 13 künlük 2 – qararliq
siyasi telim – terbiye kursigha qatnishishqa bashlighan.
yuqarqi xewerde bayan qilinishiche, 2007 – yili ichide 4 qarar qurus échilip,
420 neper diniy zat bu kurslargha qatnashturulidiken.
< Oblastliq birliksep bölümi >, < Oblastliq milliy ishlar komutéti > we <
Oblastliq siyasi – qanun komutéti > qatarliq orunlar teripidin birlikte
uyushturulghan bu kurslarda diniy zatlargha, weziyet terbiyesi,
kompartiyening 50 nechche yildin buyanqi tereqqiyat qurulushi, < diniy
ishlarni bashqurush charisi >, yéngi yeza berpa qilish qurulushi … qatarliq
mezmonlarda deris berilidiken.
Bezi xewerlerdin melum bolushiche, buyil 1 – ayda Aqtuning Kosrap yézisida
Xitay eskerliri bilen Milliy musteqilliq jeng’chiliri otturisida keng
kölemlik qoralliq toqunush yüz bergendin buyan, Xitay hakimiyiti Qizilsu
oblastigha qarashliq herqaysi nahiyelerde Uyghur diniy zatlirigha qaratqan
besimi we nazaretchilikini hessilep ashurghan. Téxi yéqindila < Aptonom
rayonluq siyasi – qanun komutéti > teripidin teshkillengen bir hey’et
Aqtuning Barin yézisigha kélip tekshürüsh élip barghan we Diniy sahege
qaratqan bashqurushni kücheytishni tekitligen idi.
. .
.
|
