|
Yekendin Yene 300 Uyghur Qizi Xitaygha Yolgha Sélindi
< Ürümqi kechlik géziti > ning 4 – ayning 5 – küni xewer qilishiche, Yeken
nahiyesidin yene 300 neper Uyghur dehqan qizi Turpan Poyez istansisidin
Xitayning Shan Dong we Qing Dao ölkilirige yolgha sélinghan.
< Aptonom rayonluq ittipaq komutéti > rehberliri alahide Turpan Poyez
istansisigha bérip, Yekenlik Uyghur qizlirini meydisige ittipaq ezaliq
iznikini taqap, murasim bilen Xitaygha yolgha sélip qoyghan. Ular toxtam
boyiche Xitayda bir yil ishleydiken.
Yekenning Aral yézisidin kelgen Zubeyde Nurmemet isimlik qiz muxpirgha
qilghan sözide, desliwide yéziliq ittipaq komutétiti Yashlarni Xitayning
ichki ölkilirige bérip ishleshke seperwer qilghanda, köpligen kishilerning
ensirep ikkilinip qalghanliqini, kéyin nahiyélik ittipaq komutéti ichkirige
baridighan qizlardin teshkillengen ittipaq yachikisi qurup, qizlargha qoshup
birge kadir iwetidighanliqini éytqandin kéyinla andin kishilerning xatirjem
bolghanliqini bayan qilghan.
Zubeydening bildürüshiche, ular yolgha chiqishtin burun hökümet ularni
Xitayche ögünüsh kursigha we qisgha muddetlik herbiy telip – terbiye
kursigha qatnashturghan.
Yeken nahiyesining Hakimi Yirshat Osmanning bildürishiche, Nöwette Yeken
nahiyesining noposi 700 mingdin köpirek bolup, bunung ichide 500 mingdin
köpirek kishi yézilarda yashaydiken, bashqa yurtlargha yollaydighan eshincha
emgek küchlirining sanimu intayin köp iken.
Yuqarqi xewerde, hazirgha qeder 2100 din artuq qizning Xitaygha ishleshke
iwetilgenliki we buyil ichide yene 5000 neper qizning Xitaygha
iwetilidighanliqi bayan qilinghan.
Xitay metbu’atlirida élan qilinghan sanliq melumatlar nahayiti ishenchisiz
bolup, peqetla buyil kirgendin buyan Xitayning ichki ölkilirige yolgha
sélinghan Uyghur qizlirining sanila 10 ming’gha yétip baridu.
|
