Barin Shehidlirimizning Ruhi Shad Bolsun !

( Barin inqilabining 17 – yilliqi munasiwiti bilen )

Bügün, Sherqiy Türkistanning yéqinqi zaman milliy küresh tarixidiki eng mohim siyasi weqelerning biri hisaplanghan Barin dehqanlar qozghilingining 17 – yilliq xatire küni.
Bu munasiwet bilen biz, eziz wetinimizning musteqilliqi we xelqimizning hör – azatliqi üchün Xitay mustemlikichilirige qarshi baturane küresh qilghan Barin oghlanlirimizgha bolghan cheksiz hörmitimiz we ehtiramimizni yene qaytidin izhar qilish bilen birge, Barin shehitlirimizge janabi allahtin rehmet tileymiz !

Eziz yurtdashlar, 1990 – yili 4 – ayning 5 – küni Aqtu nahiyisining kichikkine Barin yézisida yüz bergen bu Uyghur dehqanlar qozghilingi, Sherqiy Türkistan milliy musteqilliq herikitining simowuli we jallat Xitay hakimiyitining Xelqimizge qaratqan wehshiyane qirghinchiliq siyasitining janliq ispati süpitide taki bügünge qeder Sherqiy Türkistan xelqi teripidin xatirilinip kélinmekte.

Barin inqilabi, Sherqiy Türkistan milliy herikitining burulush nuxtisi idi, u, weten ichi we sirtida Xitay mustemlikichilirige qarshi élip bériliwatqan milliy herikitimizning küchüyishide we xelqimiz ichide omomiy yüzlük milliy oyghunushnung shekillinishide türtkülük rol oynighan idi.

Dimek, Barin oghlanlirining issiq qanliri hergizmu bikargha aqqini yoq, ular xelqimizge intayin qimmetlik bir miras – Barin rohini qaldurup ketti. Shunung’gha ishenchimiz kamilki, xelqimiz Barin oghlanlirimizning küresh’chan we jeng’giwar rohigha ebediyen warisliq qilidu !

Barin Shehidlirimizning ruhi shad bolsun !

Éhtiram bilen:

Abdujélil Qaraqash

< Sherqiy Türkistan Informatsiyon Merkizi > ning pirezidenti