|
Xitay Hökümiti Sherqiy Türkistanda Yerliklernimu Birla Perzent Körüshke
Qistashqa Bashlidi
Xitay hakimiyitining bu jehette qollunup kelgen wastisi bolsa, bir perzent
körgen Uyghurlarni türlük siyasi, iqtisadi imtiyazlardin behriman qilish,
hökümetning belgilimisi boyiche ikki yaki üch perzenht körgenlerge qarita
siyasi we iqtisadi jehettin chetke qeqishtin ibaret.
Mesilen, < Ürümqi kechlik geziti > ning 4 – ayning 2 – küni xewer qilishiche,
2007 – yili Xitay hökümiti Sherqiy Türkistanda < az tughup téz bay bolush
qurulushi > ni omomiy yüzlük qanat yayduridiken.
Bu qurulushning mezmoni boyiche, bir perzet körgen Uyghurlar dehqanlirigha
3000 yuan mukapat berilidiken, bir prezent körüsh sherep guwanamisigha
erishken dehqanlar bolsa yiligha 600 yuandin yardem elip turidiken.
Yene shundaqla Hökümetning belgilimisi boyiche, bundin keyin Ali mekteplerge
qobul qilish, Xitayning ichki ölkiliridiki atalmish < Xinjiang toluq ottura
sinipliri > gha iwetish we xizmetke orunlashturush jehetlerde aldi bilen bir
perzent körgen Uyghur dehqan ayililirige etibar berilidiken. Shundaqla bu
ayililer dawalinish we ish heqqi jehetlerdimu alahide imtiyazlardin behriman
qilinidiken.
Yuqarqi xewerde, hökümetning bu siyasitining nuxtuluq halda Jenoptiki
Qeshqer, Atush we Hoten rayonlirining yéza – qishlaqlirida
omomlashturulidighanliqi bayan qilinghan.
Chetellerdiki Uyghur siyasi pa’aliyetchiliri Xitay hökümitining bu
siyasitini, < Uyghurlarning neslini qurutush üchün tüzüp chiqilghan yengi
bir süyqestin ibaret > dep qarashmaqta.
.
|
