Xitay Hökümiti, Qeshqer, Atush we Hoten Rayonliridiki Yerlik Xelqning Noposini Azaytishni Pilanlimaqta

< Xinjiang geziti > ning xewer qilishiche, 3 – ayning 31 – küni Ürümqide chaqirilghan < aptonom rayonluq nopos we pilanliq tughut xizmiti yighini > da, her derijilik pilanliq tughut tarmaqlirining bundin keyin asasi xizmet nishanini Jenoptiki 3 wilayetning yeza – qishlaqliridiki ahalining noposini azaytishqa qaritishi lazimliqi otturigha qoyulghan.
< Aptonom rayonluq partikom > ning sekritari Wang Le Quan bu yighinda qilghan sözide, jenoptiki Qeshqer, Atush we Hoten wilayetliridiki yerlik ahalining noposining köpüyüp kétiwatqanliqidin shikayet qilghan we her derijilik hökümet tarmaqliridin, jiddi tedbir qollunup, jenoptiki bu wilayetlerning tughulush nisbitini töwenlitishni telep qilghan.
Wang Le Quan qosaq köpügi qilip mundaq digen:
< 2005 – yili pütün aptonom rayonimizda otturiche tughulush nisbiti 16.4 pirsent bolghan, emma, jenoptiki Qizilsu qirghiz aptonom oblastining 20.98 pirsent bolghan, Qeshqer, Hoten we Aqsularningmu tughulush nisbiti aptonom rayonimizning otturiche sewiyesidin eship ketken >.

Wang Le Quan bunung’gha misal körsütüp, < Hoten wilayitining noposi 1990 – yili 1 milyon 400 ming idi, 2005 – yilgha kelgende 1 milyon 874 ming’gha yétip barghan, qisqighina 16 yil ichide 400 ming kishi köpeygen. Qeshqerdimu 970 ming kishi köpeygen >.
Wang Le Quan yighinda qilghan sözide, Uyghurlar zich olturaqlashqan Jenobi rayonlarning nöwettiki namratliq halitige tamamen shu rayonlardiki ahale ichide tughulush nisbitining yuquri bolushining sewepchi bolghanliqini bayan qilghan.

Wang Le Quan sözide yene, Jenoptiki 3 wilayette az sanliq milletlerdin bolghan déhqan – charwichilargha qarita birla perzent körüsh siyasitini sinaq teriqiside yolgha qoyush kerekligini bayan qilghan.