Sherqiy Türkistandiki Namratlarning 85 Pirsentidin Köpireki Jenobi Rayonlarda

< Xinjiang geziti > ning 4 – ayning 1 – küni xewer qilishiche, < aptonom rayonluq partikom > ning sekritari Wang Le Quan, 3 – ayning 31 – küni Ürümqide chaqirilghan < aptonom rayonluq nopos we pilanliq tughut xizmiti yighini > da qilghan sözide, nöwette Sherqiy Türkistandiki namratlarning 85 pirsentidin köpirekining Qeshqer, Atush we Hoten qatarliq jenoptiki 3 wilayette ikenlikini bayan qilghan.

Wang Le Quanning bildürishiche, 2006 – yili pütün Sherqiy Türkistanda déhqan – charwichilarning kishi beshigha toghra kélidighan otturiche yilliq sap kirimi 2742 yuan bolghan, emma shu yili Qeshqer wilayitidiki déhqanlarning yilliq sap kirimi 2072 yuan, Hotenning 1499 yuan, Atushning 1486 yuan bolghan.

Qeshqer, Atush, Hoten wilayetliri nöwette Sherqiy Türkistan boyiche Uyghurlar eng zich olturaqlashqan rayonlar bolup, bu wilayetlerning noposining 90 pirsentidin köpireki Uyghurlardin ibaret. Dimek, nöwette Sherqiy Türkistandiki namratlarning hemmisi digüdek Uyghurlardin teshkil tapqan.