Sherqiy Türkistanning Yéziliridiki Xitayche Kurslar

Sürette: Uyghur déhqanliri Xitayche kusrlarde mejburi Xitayche ögenmekte.

Milliy ma’aripni Xitaylashturush jehette zor qedem basqan Xitay hakimiyiti, emdi asasi nishanini Sherqiy Türkistanning yeza – qishlaqliridiki yash Uyghur déhqanlirigha qaratti.

Yéqinqi mezgillerdin buyan Sherqiy Türkistanning Uyghurlar zich olturaqlashqan jenobi rayonlirining yéza – qishlaqlirida arqa – arqidin Xitayche kurslar échilip, yash Uyghur déhqanliri mejburi halda bu kurslargha qatnashturulmaqta.

Xitay hakimiyiti, 3 – 4 ay dawam qilidighan bu kurslarnimu hashargha aylandurghan bolup, kursqa qatnishishni ret qilghuchilargha qarita siyasi, iqtisadi we qanuniy jehetlerdin türlük jazalash tedbirlirini yolgha qoyup kelmekte. Déhqanchiliq ishlepchiqirishining taza aldirash peytliride échilghan bu Xitayche kurslar Uyghur déhqanlirining kündülük ishlepchiqirish we turmushini éghir ziyangha uchrutup kelmekte.