|
Yekendin Yene 500 din Artuq Uyghur Qizi Xitaygha Yolgha Sélindi
< Qeshqer hökümet tori > ning 3 – ayning 29 – küni xewer qilishiche, mushu
ayning 28 – we 29 – künliri, Yeken nahiyesidin ikki Türkümde 500 din artuq
Uyghur qizi nahiyelik hökümet tarmaqliri teripidin Xitayning Jiang Su we
Qing Dao ölkilirige yolgha sélinghan.
Bu qizlar, shu ölkilerdiki oyunchaq we kéyim – kechek zawutlirida
ishleydiken.
Yuqarqi xewerde körsütülishiche, bu qizlarning töwini 650 yuan, yuqurisi
1600 yuan ma’ash alarmish, ulargha qoshup Uyghur ashpez bilen nahiyelik
teshkilat bolumuning kadiri birge iwetilgen.
Emma, wetendin kelgen inkaslardin melum bolushiche, ichkiridiki zawut –
fafrikiler, < texnika we meshgulat terbiyesi bérish > digen nam bilen
desliwide Uyghur qizlirini birqanche aylap bikargha ishlitidiken, künlük
ishlesh waqtimu 12 sa’ettin yuquri bolup, Uyghur ishchilarni zawutning
qorasidin sirtqa chiqarghuzmay, huddi jinayetchilerni küzetkendek nazaret
qilidiken.
Ichki ölkilerdiki zawut – karxanilarning türlük bahane – sewepler bilen
toxtamnamigha xilapliq qilip, Uyghur qizlirining ish heqqini kemeytip bérish
ehwali omomiy yüzlük hadisige aylanghan. Wetini Sherqiy Türkistangha qéchip
kelgüchilerge bérilidighan jazalar nahayiti eghir bolghachqa, Uyghur qizliri
bichare ata – anilirigha awarichiliq tepip bérishtin saqlinish üchün,
chishini chishlep ishleshke mejbur bolidiken.
Unung üstige yerlik xelq teripidin < sulamchilar > dep atalghan we Uyghur
qizlirini bashlap barghan Uyghur kadirlarning köpünchisi ghurorsiz we
wijdansiz mexluqlar bolup, ular bu bichare déhqan qizlirigha ige chiqish
uyaqta tursun, eksiche ichkiri ölkilerdiki Xitay xojayinlar bilen eghiz –
burun yaliship, aridin nep élishning koyida iken.
|
