Xitay Ministirlar Kabentining Namratliqni Tekshürüsh Guruppisi Sherqiy Türkistanda

< Xinjiang géziti > ning 3 – ayning 30 – küni xewer qilishiche, Xitay ministirlar kabenti qarmighidiki < namrat rayonlarni yülesh we tereqqi qildurushqa rehberlik qilish guruppisi > ning mu’awin bashliqi Yang Wei Ze bashchiliqidiki bir ömek Sherqiy Türkistangha yétip kelgen.

Yang Wei Ze, 3 – ayning 29 – küni Ürümqide < aptonom rayonluq partikom > ning sekritari Wang Le Chuan bilen körüshkende qilghan sözide, bu qétim mehsusla Qizilsu Qirghiz aptonom oblastining chegragha yeqin jaylirining namratliq ehwalini tekshürüshke kelgenlikini, nuxtuluq halda bu oblastning Aqchi nahiyeside tekshürüsh élip baridighanliqini, unudin bashqa yene jenoptiki 3 wilayetning namratliq ehwali heqqidimu tekshürüsh élip baridighanliqini bayan qilghan.

Buyilning beshida Aqtu nahiyesi tewesidiki Pamir tagh rayonida Xitay eskerliri bilen milliy musteqilliq küchliri otturisida qoralliq toqunush yüz bergendin keyin, Qizilsu oblastining Uyghurlar izch olturaqlashqan Aqtu we Aqchi nahiyeliri Xitay merlizi hökümitining diqqitini jelip qilishqa bashlidi. Bu jeryanda Xitayning bezi asasliq axbarat organliri hökümetning orunlashturushi bilen alahide Aqtuning Kosrap yézisigha kélip, neqmeydan tekshürüshi élip bérip, Kosrap weqesi heqqide mexsus maqalilarni elan qilghan, bu maqalilarda, Aqtu we ununggha xoshna nahiyilerning namratliq ehwalimu tilgha élinghan idi.

Aqtu we Aqchi nahiyiliri nöwette Sherqiy Türkistan boyiche eng namrat nahiyiler bolup, ahalining köpünchisi Uyghurlardin terkip tapqan. Buyilning beshida Kosrap weqesi yüz bergendin buyan, bu nahiyilerning tashqi dunya bilen bolghan alaqisi pütünley üzüp tashlanghan bolup, hazirmu hem bu nahiyilerde Uyghur siyasi qachqunlarni axturup tutush herikiti jiddi dawam qilmaqta.