|
< Aptonom Rayonluq Siyasi – Qanun Komutéti > ning Tekshürüsh Guruppisi
Barinda
< Qizilsu géziti > ning xewiride körsütülishiche, 3 – ayning 23 – küni, <
aptonom rayonluq siyasi – qanun komutéti > ning mexsus bir tekshürüsh ömiki
Aqtu nahiyesining meshhur Barin yézisigha kélip tekshürüsh élip barghan.
Bu qétimqi tekshürüshning asasi meqsidi, milliy we diniy xizmetlerni
bashqurushni kücheytish, shundaqla muqumluqqa kapaletlik qilish iken.
3 – ayning 24 – küni tekshürüsh ömigi Barindin Atush shehrige qaytip kélip,
qizilsu oblastining rehberliridin muqumliq xizmiti heqqide doklat alghan.
< Qizilsu Oblastliq partikom > ning mu’awin sekritari we < oblastliq siyasi
– qanun komutéti > ning bashliqi Sun Jian Feng, < aptonom rayon > din kelgen
tekshürüsh ömikige bergen doklatida, qizilsu oblastining, < qattiq zerbe
bérish > pirinsipida ching turup, diniy ishlargha bolghan bashqurushni
kücheytkenlikini, < qanunsiz diniy pa’aliyetler > ni qattiq cheklep, dindin
paydilinip jinayet ötküzgüchilerge qattiq zerbe bérip, pütün oblastning
jemiyet muqimliqini qoghdap qalghanliqini bayan qilghan.
Sun Jia Feng doklatida yene, bundin keyin élip bérilidighan xizmetliri
heqqide melumat bérip, Asasi qatlam teshkilatlirining hazirqi ajiz
weziyitige xatime bérilip, asasi qatlam partiye teshkilatlirining
jenggiwarliq küchini ashuridighanliqini, yéza asasi qatlam kadirlirida
saqliniwatqan < diniy ishlarni bashqurushqa jur’et qilalmasliq > halitige
xatime bérilidighanliqini, yéza – kenitlerde sotsiyalizim we atizim
terbiyesi we teshwiqatini kücheytidighanliqini, diniy zatlargha qaratqan
bashqurush we nazaretchilikni kücheytip, qanunsiz neshriyat buyumlirining
yézilargha eqip kirishini qattiq tosaydighanliqini bildürgen.
90 – yili déhqanlar qozghilingi yüz bergen meshhur Barin yézisi bilen,
buyilning beshida qoralliq toqunush yüz bergen Kosrap yézisining her
ikkisila Qizilsuning Aqtu nahiyesige qarashliq bolup, Aqtu nahiyesi uzun
yillardin buyan Xitay hakimiyitining eng qattiq besimigha uchrap kéliwatqan
nahiyilerning biri.
|
