< Kelinton Fonda Jemiyiti > din Sherqiy Türkistangha 2 Milyon 870 Ming Yuan Yardem

< Xinjiang géziti > ning xewiride körsütülishiche, Amerikining sabiq pirezidenti < Kelinton fonda jemiyiti > ning yardimi bilen tesis qilinghan < Xinjiangda AIDS késellikining aldini élish we ghemxorluq qilish türi >, 3 – ayning 28 – küni resmiy ijra qilinishqa bashlighan.

Yuqarqi tür bolyiche, buyilning axirigha qeder Sherqiy Türkistanda AIDS késilige giripdar bolghan 400 kishi bilen, AIDS wirusini yuqturiwalghan 300 kishi yuquri süpetlik dawalashtin behriman qilinidiken.

< Kelinton fonda jemiyiti > din buyil Sherqiy Türkistangha 2 milyon 870 ming yuan yardem qilinghan bolup, bu yardem, AIDS késelliki éghir bolghan rayonlardiki sehiye xadimlirini terbiyilesh we AIDS bimarlirini dawalash ishlirigha serip qilinidiken.

Nöwette, pütün Sherqiy Türkistan boyiche hökümet teripidin resmiy enge élinghan AIDS wirusi yuqturuwalghuchilarning sani 17 ming 209 neper bolsimu, emma reymiy mölcherdiki san 60 mingdin artuq iken we nöwette Sherqiy Türkistanda AIDS wirusining aldini élish we uni dawash hizmiti intayin qiyin we jiddi iken.

Sherqiy Türkistanda künige ottura hisap bilen 20 ge yeqin kishi AIDS wirusi bilen yuqumlinidu we bularning 60 pirsentidin köpireki Uyghur. Hazir AIDS wirusi Sherqiy Türkistanning pütün wilayetlirige tarqalghan.

Bezi xewerlerde körsütülishiche, nöwette Sherqiy Türkistanda AIDS wirusi yuqturuwalghanlarning ichide anilar we balilarning nisbiti yuquri bolup, Ili rayonida hamildar bolghan her 4 ayalning biri AIDS wirusi bilen yuqumlanghan iken.