Milliy Oqutquchilar Xitay Bashlanghuch Mekteplirining Oqughuchisigha Aylinip Qaldi

Sherqiy Türkistanning milliy ma’aripini Xitaylashturushqa aldirap ketken Xitay hakimiyiti, yéqinqi yillardin buyan bir tereptin, < Xitaychini bilmeydu > digen bahane bilen, peshqedem milliy oqutquchilarni mejburi pensiyege chiqirishqa yaki bashqa kesiplerge yüzlendürüshke tirish’sa, yene bir tereptin, yash milliy oqutquchilarni mejburi halda Xitayche kurslargha iwetishke bashlighan idi.

Xitay hakimiyiti mana emdi teximu heddidin éship, milliy mekteplerning tejirbilik oqutquchilirini Xitay bashlanghuch mekteplirige oqughuchiliqqa iwetishke bashlighan.
< Ilil kechlik géziti > ning 3 – ayning 26 – künidiki xewiride körsütülishiche, shu ayning 19 – küni, Ghulja shehridiki 9-11- 28 – milliy bashlanghuch mekteplerning we Ghulja sheherlik baghwenchilik milliy bashlanghuch mektibining oqughuchiliri bilen, sheherlik 1 – Xitay bashlanghuch mektibi otturisida kélishimname tüzülgen bolup, bu kélishimge asasen, milliy oqutquchilar bu Xitay bashlanghuch mektiwide oqughuchilargha ariliship bir mewsüm oquydiken, eger Xitayche imtahandin ötse, öz mekteplirige qaytip keteleydiken, imtahandin ötelmise, yene dawamliq shu Xitay mektiwide oquydiken.

Chetellerdiki Uyghur siyasi pa’aliyetchiliri Xitay hakimiyitining bu qilmishini, Milliy oqutquchilirimizgha qilinghan haqaret, dep qarimaqta. .