Hoten Wilayitide, Yéza Yashlirini Sirtqa Bérip Ishleshke Teshwiq Qilidighan Mexsus Ömekler Quruldi

< Xinjiang géziti > ning 3 – ayning 24 – küni xewer qilishiche, yéqinda Hoten wilayetlik ishchilar uyushmisi bilen wilayetlik ittipaq kommutéti birlikte, < yéza yashlirini sirtqa bérip ishleshke teshwiq qilish ömigi > ni qurup chiqip, Hotenning herqaysi yéza – qishlaqlirigha bérip, Uyghur qiz – yigitlirini bashqa yurtlargha bérip ishlep pul tépish heqqide keng kölemlik teshwiqat élip bérishqa bashlighan. teshwiqat jeryanida yene hazir bashqa yurtlarda ishlep pul tapqan < nemunichilar > ning ish – izlirini teshwiq qilip, huddi yurtini tashlap chiqsila téz bay bolidighandek biz menzirini peyda qilip, yéza yashlirining béshini aylandurushqa bashlighan.
yuqarqi teshwiqat ömekliri buyil 3 – ay kirgendin buyan Hotenning 7 nahiyesige qarashliq 30 din artuq yézigha bérip, 53 ming 400 din artuq kishige teshwiqat élip barghan.

Yuqarqi xewerde körsütülishiche, peqet ötken bir yil ichidila Hoten wilayiti boyiche ishlesh üchün bashqa yurtlargha chiqip ketkenlerning sani 236 ming 900 kishige yetken.

Wetendin kelgen inkaslarda bayan qilinishiche, nöwette Xitay hökümiti yéziliq hökümetlerge Xitayning ichki ölkilirige iwetidighan Uyghur qizlarni tépip bérish heqqide séliq salghan bolup, herqaysi yézilarning noposigha qarap san békitip bérilgen, yéziliq hökümetler yuquridin chüshürülgen sanni toldurush üchün, öymu – öy timisqilap yürüp, besim we tehdit bilen Uyghur déhqanlirini öz qizlirini Xitaygha ishleshke iwetishke qistashqa bashlighan.
Eger Xitayning ichki ölkilirige bérip qéchip kelgenlerning ayililirige 500 yuan jerimane qoyulghandin sirt yene ulargha poyez biliti, qizlirining ichkiridiki yataq we tamaq heqlirining hemmisi mejburi tölitilidiken.