48 Tonnuluq Gigant Hoten Qashtéshi Bei Jin’gha Yötkep Méngildi

 < Ürümqi kechlik géziti > ning xewer qilishiche, 3 – ayning 25 – küni kechte, Hotenning Yorungqash deryasidin élip kélingen bir parche 48 tonna eghirliqtiki gigant qashtéshi mashina bilen Ürümqidin Bei Jing’gha élip mengilghan.

Bu qashtéshining igisi, Hoten shehrige qarashliq Ilche yézisidiki Abdurazaq qatarliq 8 qérindash bolup, ular bu qashtéshini Yorungqash deryasidin bundin ikki yil burun ikki ay waqit serip qilip qézip chiqarghan we bu jeryanda 110 emgek küchi serip qilin’ghan.
Bu gigant qashtéshining eghirliqi 48 tonna, uzunluqi 5.5 métir, kengliki 4.4 métir, igizliki 2.8 métir kélidiken.

Hotenlik déhqan Abdurazaq we unung qérindashliri deslep 2005 – yili 5 – ayning 21 – küni bu qashtéshini sétish üchün Ürümqige yötkep kelgende, < Xinjiang giyologiye we kan idarisi > teripidin éliwélinip, bu idarining kann mehsulatliri muziyigha qoyulghan, keyin bu qashtéshi igisige qayturup bérilgen.

Abdurazaqning bildürishiche, u adette qérindashliri bilen birge qashtéshi sodisi qilidiken, Bei Jingliq bir sodiger bilen aghzaki toxtam tüzüptu we 52 ming yuange alahide mashina kiralap, ikki shopor bilen Bei Jing’gha yolgha chiqiptu.