|
Xitay Balisini Beqiwalghan Kompartiye Ezasi Abliz Nurek, < Zhung Hua Xeyri –
Saxawet Mukapati > Gha Érishti
Adetta Xitaylargha birdin artuq perzent körüsh cheklengini üchün,
Xitaylarning köpünchisi digüdek neslining yoqap ketishidin ensirep, qiz
bowaqlarni öltürüp yaki tirik tashliwetip, qaytidin perzent körüshke
tirishidu. Shunga Uyghurlar teripidin Sherqiy Türkistanning kochiliridin
yaki exlet döwiliridin tepiwélin’ghan Xitay bowaqlirining hemmisila Qiz.
Xinjiang géziti > ning 3 – ayning 21 – küni xewer qilishiche, bundin 10 yil
burun kochidin bir Xitay qiz bowaqni tepiwélip beqip chong qilghan
Maralbeshi nahiyesining Sériqbuya yézisidiki 74 yashliq Uyghur kommunist
Abliz Nurek yeqinda Xitay boyiche < 2006 – yilliq Zhung Hua Xeyri – Sahawet
Mukapati > gha érishken.
< Zhung Hua Xeyri – Sahawet Mukapati >, Xitay boyiche eng ali mukapatlarning
biri bolup, Abliz Nurek 550 namzatning ichidin tallap chiqilip mukapat
bérilgen 3 shexisning biri iken.
Yuqarqi xewerde körsütülishiche, Abliz Nurek eslidinla < munewwer >
kompartiye ezalirining biri bolup, 1997 – yili 9 – ayning 23 – küni kochidin
bir yengi tughulghan Xitay balisini tepiwélip öyige élip kelgen. Bu Xitay
qizi eslide meyip tughulghan bolup, Abliz Nurek öz yenidin 10 nechche ming
yuan pul chiqirip bu Xitay qizini dawalap saqaytqan we bir qolluq beqip
chong qilghan. Yene bu Xitay qizigha < Aybulaq > dep isim qoyghan. Shundin
keyin Abliz Nurekning amiti ongdin kélip, arqa – arqidin < milletler
ittipaqliqi nemunichisi > bolup bahalinip teghdirlengen.
( Sürettiki qiz bolsa Abliz Nurek beqiwalghan Xitay qizi ).
2005 – yili 5 – ayning 26 – küni Abliz Nurekning bu < tesirlik > ish –
izliri Xitayning eng nopozluq géziti bolghan < Xelq géziti > de bash maqale
qilip bérilgen, shundaqla < merkizi téliwiziye istansisi > dimu
tonushturulghan.
2006 – yili Abliz Nurek, < Xinjiangni tesirlendürgen 10 shexis > ning biri
bolup bahalanghan.
Abliz Nurek yene < aptonom rayonluq partikom > teripidin, < munewwer
kompartiye ezasi > dep bahalanghan.
Abliz Nurek bu qetim mukapat élish üchün Bei Jing’gha barghanda, Xitayning
mu’awin bash ministiri Tong Liang Yü qobul qilip körüshken.
Nöwette Sherqiy Türkistandiki Xitay metbu’atliri Abliz Nurekni < milletler
ittipaqliqi nemunichisi > dep maxtap kökke kötermekte.
|
