Buyil Jenoptiki 3 Wilayettin Bashqa Yurtlargha Ishleshke Iwetilidighanlarning Sani 600 Ming Adem Qetimgha Yetküzilidu

Yéqinqi mezgillerdin buyan Xitay hakimiyiti, < éshinche emgek küchlirini sirtqa yötkesh > digen nam bilen Sherqiy türkistanning, bolupmu Uyghurlar zich olturaqlashqan jenobi rayonlarning yeza – qishlaqlirini boshutup, yengidin kéliwatqan Xitay köchmenliri üchün azade mohit yaritishqa tirishmaqta.

< Xinhua axbarat agentliqi > ning 3 – ayning 21 – küni xewer qilishiche, Sherqiy Türkistandiki her derijilik hökümet tarmaqliri 2007 – yili ichide Sherqiy Türkistanning Qeshqer, Atush we Hoten qatarliq 3 wilayitining yéziliridin bashqa yurtlarghza ishleshke iwetidighanlarning sanini 600 ming adem qetimgha yetküzüshni pilanlighan bolup, Xitayning ichki ölkilirige iwetish bolsa bu pilanning asasliq terkiwi qismidin ibaret.

Xitay hakimiyiti bu pilangha mas halda bu wilayetlerning herqaysi yézilirida Uyghur yashlirigha qarita Xitayche ögütüshni bashlighan we yézilardiki milliy ottura – bashlanghuch mekteplerde yash dehqanlar üchün mexsus Xitayche kurslar échilishqa bashlighan.
Peyziwat nahiyesining Yéngi mehelle yézisidiki uyghur dehqan Yasin Osman Xitay muxpirigha, < méning kichik oghlum bilen qizim Tian Jinge ishligili ketti, Xitaychinimu téz ögüniwaptu, ularning nezer dayirisi kengiyip, közqarashliridimu özgürüsh boldi > digen. .