|
Xitay Hakimiyiti Bingtuanning Yuqurigha Tapshuridighan Ghelle – Paraqlirini
Bikar Qilishqa Bashlidi
Sherqiy Türkistanning yéziliridiki Uyghur qiz – yigitliri tirikchilik yolini
izdep Xitayning ichki ölkilirige türküm – türkümlep ketiwatqan bügünki
künde, Bingtuanlik Xitay dehqanlargha Kompartiyening shepqiti arqa – arqidin
yeghishqa bashlidi.
Mesilen, < Xinjiang géziti > ning 3 – ayning 21 – künidiki xewiride
körsütülishiche, nöwette Bingtuan tarixtin buyanqi eng tereqqi qilghan
dewirge qedem qoyghan bolup, sana’et qimmitining eshish süriti 18 pirsent
bolghan. Shundaqtimu yene Xitay hakimiyiti buyildin etibaren Bingtuan
qarmighidiki bézi Tuan – meydanlarning yuqurigha tapshuridighan paydisini
bikar qilishqa bashlighan.
Mesilen, Ilide turushluq Bingtuan 4 – déwiziyesi buyil ichide barliq tuan –
meydanlarning yuqurigha tapshuridighan ghelle – pariqini pütünley bikar
qilidiken.
Xihenzide turushluq 8 – déwiziyemu buyil ichide kirimi birqeder töwen
bolghan tuan – meydanlarning yuqurigha tapshuridighan paydisini
sürüshtürmeydiken.
13 – déwiziyemu ötken yili 6 tan – meydanning hökümetke tapshuridighan
paydisini bikar qilghan bolup, bashqa tuanlerning tapshuridighan béjinimu 30
pirsent töwenletken we 2008 – yilighiche hemme tuan – meydanlarning
hökümetke tapshuridighan paydisini pütünley bikar qilidiken.
Xitay hakimiyitining bu siyasiti, Bingtuan qarmighidiki milyonlighan Xitay
köchminini Sherqiy Türkistanda meng’gülük yashap qélishqa righbetlendürüsh
we yengi Xitay köchemnlirini righbetlendürüshni meqset qilmaqta..
|
