Qeshqer Konasher Nahiyesidin 5 – Türkümdiki 210 Neper Uyghur Qizi Xitaygha Ishligili Yürüp Ketti

Nöwette Sherqiy Türkistandiki Uyghurlar izch olturaqlashqan Jenobi rayonlardiki her derijik hökümetler, Uyghur qizlirini Xitayning ichki ölkilirige ishleshke iwétish seperwerliki élip barmaqta. Wilayet, nahiye we yéza derijilik hökümetlerde mexsus ish’xanilar tesis qilinip, türlük yalghan wediler bilen yézilardiki Uyghur qizlirini aldap, ularni türkümlep Xitayning ichki ölkilirige iwetmekte.

< Xinhua axbarat tori > ning 3 – ayning 13 – künidiki xewiride körsütülishiche, Qeshqer Kona sheher nahiyilik partikomning dayimi hey’et ezasi Gulnar bu axbarat agentliqining muxpirigha, < bu qétim biz nahiyedin 210 neper Uyghur qizni ishlesh üchün He Bei ölkisining Bao Ding we Tian Jin rayonlirigha iwettuq, bu qétim mang’ghanlar bolsa 5 – türkümdikiler, awal mang’ghuzulghan birqanche türkümdikiler yax’shi ünümge érishti > digen.

Gülnar muxpirgha yene, < uzun yillardin buyan Uyghur millitining en – eniwiy qarashliri qizlirimizning sirtqa chiqip yéngi shey’iler bilen tonushushini cheklep qoyghan, unung üstige til bilmeslik we milliy örp – adetler qatarliq sewepler tüpeylidin ular oylirige bekiniwélip sirtqa chiqip baqmighan, hazir ularning qarashlirida asta – asta özgürüsh boluwatidu, yéngi dunya qarash ularni öz yurtliridin bashqa jaylargha chiqishqa jasaretlendüriwatidu > dep körsetken.

Gülnarning bayan qilishiche, Xitaygha barghan Uyghur qizliri asasliq toqumuchiliq kespi bilen shughullinidiken we ayda 1000 yuan ma’ash alidiken.

Statiskilergha qarighanda, 4 yildin buyan Qeshqer kona sheher nahiyesidin bashqa yurtlargha ishleshke chiqqanlarning sani 190 ming adem qétimgha yétidiken.

Bu nahiyedin Tian Jin shehrige ishleshke barghan 20 yashliq Uyghur qizi Nisahan muxpirgha, < men buyerde tiriship ishlisem, bir yilda 10 ming yuan tapimen > dep bayan qilghan.
< aptonom rayonluq emgek nazariti ishqa orunlashturush bashqarmisi > ning mu’awin bashliqi Wu Yün Hua, < Xinhua axbarat tori > ning muxpirigha melumat bérip, Uyghur qizlirini Xitayning ichki ölkilirige ishleshke iwétishning, Xitay hakimiyitining Sherqiy Türkistanda élip bériwatqan < yézilardiki eshincha emgek küchlirini bashqa yurtlargha bérip ishleshke sewepwer qilish herikitining bir parchisi ikenlikini, peqet 2006 – yilila Sherqiy Türkistanning yéziliridin bashqa yurtlargha bérip ishligenlerning omomiy sanining 1 milyon 150 ming adem qétimgha yetkenlikini bayan qilghan.

Xitay hakimiyitining Uyghurlarni, bolupmu Uyghur qizlirini Xitayning ichki ölkilirige < ishlesh > digen nam bilen türkümlep yötkesh herikiti, bu hakimiyetning Uyghurlargha qaratqan chong atsimilatsiye herikitining eng mohim terkiwi qismi bolup, bundiki tüp meqset, Uyghur yashlirini özining tilidin, milliy we diniy tuyghuliridin uzaqlashturushtin ibaret !.