|
Qeshqer – Hoten Tömüryol Qurulushi 2008 – Yili Bashlinidu
< Ürümchi kechlik géziti > ning 3 – ayning 12 – küni xewer qilishiche, <
Aptonom rayonluq partikom > ning sékritari Wang Le Quan Bei Jingda chetel we
xitay muxpirlirining ziyaritini qobul qilghanda, Qeshqer – Hoten tömüryol
qurulushining 2008 – yili bashlinip, 2010 – yili tamamlinidighanliqini
bildürgen.
Wang Le Quan, jenoptiki Qeshqer, Hoten we Atush rayonlirining namrat
qelishidiki hel qilghuch amilning qatnash mesilisi ikenlikini tekitligen.
Xitayning pilani boyiche, Qeshqerdin Hotenning Guma nahiyesigiche bolghan
ariliqning musapisi 775 kilométir bolup, bu tömüryol qurulishi üchün
kétidighan meblegh tehminen 6 milyart 500 milyon yuan iken, buyil ichide bu
qurulushning lahiyesi tamamlinip, 2008 – yili resmiy qurulush bashlinidiken.
Undin bashqa yene Xitay hökümiti, Xitay – Qirghizistan – Özbekistan tömüryol
leniyesi qurulushinimu jiddi türde bashlighan bolup, 1999 – yili 12 – ayning
6 – küni Korlidin Qeshqerghe tutishidighan leniyeni tamamlighan, hazir peqet
Qeshqerdin chegragha tutushidighan leniyeni tamalisila, Sherqiy Türkistanni
Qirghizistan we Özbekistanlargha tutashturidighan leniyede resmiy qatnash
bashlidiken.
Eyni chaghda Xitay hökümiti Korlidin Qeshqerghe tutishidighan tömüryol
qurulushini bashlighanda, eger bu qurulush tamamlansa, Qeshqer Xelqining
turmush sewiyeside qisqa muddet ichide zor ilgirilesh hasil bolidighanliqini
keng kölemde teshwiq qilghan idi. Emma Qeshqerghe Poyez kelgen 8 yildin
buyan, yerlik xelqning turmushida hech bir özgürüsh bolghini yoq, eksiche
Qeshqer rayonidiki Xitay köchmenlirining sani shiddet bilen éship barmaqta. .
.
|
