|
Shiringülning Shirin Chüshi Emelge Asharmu ?
< Turpan géziti > ning 3 – ayning 9 – künidiki xewiride körsütülishiche,
yeqinda Pichan nahiyesidin bir türküm Uyghur dehqan qizi ishlesh üchün poyez
bilen Xitayning ichki ölkilirige yürüp ketken. Hazir peqet mushu nahiyedinla
Xitayning ichki ölkilirige bérip ishlewatqan Uyghur qizlirining sani 200 ge
yétidiken.
Yuqarqi xewerde, Pichanning Lebjin yézisidiki Shiringül Abdul isimlik bir
dehqan qizining kechürmishlirige yer bérilgen bolup, Shiringül buyil 19
yashqa kiriptu, dadisi ölüp ketken iken, 2005 – yili toluqsiz ottura
mektepni püttürgendin keyin, akisi we apisi bilen birge özliri kötire alghan
3 modin köpirek kelidighan üzümlük beghida ishleshke bashlaptu.
Buyilning beshida Nahiyilik hökümet, herqaysi yézilardiki Uyghur qizlirini
Xitayning ichki ölkilirige bérip ishlesh heqqide chaqiriq chiqarghandin
keyin, bu yézidiki xéli köp qizlar Xitayning Zhe Jiang ölkisige ishleshke
kétiptu, ularning ichide Shiringülning xoshnisi ehm dosti bolghan bir qizmu
bariken, Shiringülmu barmaqchi boptu, emma unung akisi, < ichkiri
ölkidikiler Xinjiang’gha kélip ishlewatsa, ichkirige bérip ishleymen digen
qandaq gep ? unung üstige Uyghurlar ichki ölkilerge barsa turmushigha
könelmeydu, tilini bilmeysiler > dep barghili qoymaptu.
Yeqinda, nahiye we yéziliq hökümetler, < ichkirige baridighanlargha qoshup
Uyghur ashpez, terjiman qoshup iwétilidu, rehberler ige bolup ular bilen
bille baridu, ularni yax’shi orunlashturidu, tezla bay bolup kétidu > dep
wede bergini üchün, Shiringülning akisi andin singlisini ichkirige ishleshke
iwétishke qoshulghan. Shunung bilen Shiringül yézidiki bashqa 3 neper Uyghur
qiz bilen birge ichkirige barghan.
< Turpan géziti > ning Xitay muxpiri Wang Li Ming’ning xewer qilishiche,
Shiringül Abdul Xitayning Zhe Jiang ölkisige barghandin keyin, aldi bilen 20
nechche künlük texnika telim – terbiyesidin ötküzülüptu, aldimizdiki
künlerde Shiringül bir toqumuchiliq zawutigha bérip ishleydiken.
Shiringül muxpirgha, < hayatimda peqetla yezamdin sirtqa chiqip baqmighan,
ichkiri ölkilerni télévizordin körgen, nahayiti chirayliq iken, men buyerge
kélip hem nezer dayiremni kengeytmekchi, hem ishlep pul tapmaqchi > dep
jawap bergen.
Sherqiy türkistandin Xitayning ichkiri ölkilirige < ishlesh > digen nada
aldap élip bérilghan Uyghur qizlirining beshigha insanning yürigini
echishturidighan echinishliq külpetlerning kéliwatqanliqi hemmimizge ayan,
janabi allah shiringülni öz panahida saqlisun ! .
|
