Xitay, Sherqiy Türkistandiki Yilliq Nefit Ishlepchiqirish Miqdarini 24 Milyon Tonnidin Ashurdi

Xitay hakimiyiti, atalmish < chong gherbi shimalni echish stiratigiyelik pilani > ni yolgha qoyghan 2000 – yilidin buyan, Sherqiy Türkistanning tebiy bayliqlirini talan – taraj qilish jehetlerde zor ilgirlesh hasil qildi. Bolupmu Xitay hökümiti asasi küchini bu rayonning Nefit we Tebiygaz bayliqini echishqa qaritip kelmekte.

< Xinjiang geziti > ning xewiride körsütülishiche, 3 – ayning 8 – küni chüshtin kéyin, Xitay nefit – tebiygaz hessidarliq cheklik shirkiti Ürümchide axbarat élan qilip, Sherqiy Türkistanning néfit, tebiygaz ishlepchiqirish ehwali we zapam miqdari heqqide < aptonom rayon > rehberlirige melumat bergen.

Yuqarqi xewerde bayan qilinishiche, ötken bir yilda, Xitay néfit – tebiygaz hessidarliq cheklik shirkiti téripidin Sherqiy Türkistanda ishlepchiqirilghan néfit miqdari 24 milyon 850 ming tonnidin köpirekke, Tebiygaz miqdari 16 milyart 451 milyon kup / metirgha yetip, shu yili alghan sap paydisi 46 milyart 494 milyon yuange yetken.

Undin bashqa yene ötken bir yil ichide yengidin bayqalghan néfit zapas miqdari 3 milyart 378 milyon tonnigha, Tebiygaz zapas miqdari bolsa 987 milyart 600 milyon kup / metirgha yetken.
Xitay néfit – tebiygaz hessidarliq cheklik shirkitining nöwette Sherqiy Türkistanda 14 shöbe karxanisi bariken.

Emma yuqarqi xewerde, bu shirketning < aptonom rayonluq hökümet > ke payda tapshurup – tapshurmighanliqi heqqide hech qandaq izahat bérilmigen.

Xitay merkizi hökümiti, 1949 – yilidin buyan Sherqiy Türkistanning Nefit we Tebiygaz bayliqini echish hoqoqini biwaste qolida tutup kelgen bolup, yerlik hökümetlerning Nefit we Tebiygaz ishlepchiqirish hoqoqi yoq.
.