Sherqiy Türkistanning Térilghu Yer Kölimi Qanchilik ?

< Tianshan tori > ning 3 – ayning 9 – künidiki xewiride körsütülishiche, Sherqiy Türkistanning nöwettiki térilghu yer kölümi 61 milyon 606 ming mo bolup, pütün Sherqiy Türkistanning omomiy ziminining aran 2.47 pirsentini teshkil qilidiken. Mewjut térilghu yerlerning qoghdulush nisbiti 85 pirsen iken.

2005 – yili yéngidin 655 ming mo térilghu yer berpa qilinghan.
Xitay köchmenlirining sanining üzlüksiz köpüyishi, Sherqiy Türkistanda jiddi halda térilghu yer yetishmeslik qiyinchiliqini keltürüp chiqarmaqta.

Bu rayonning su we etiz – ériq insha’ati qurulishi tereqqi qilmighini üchün, yerlikler yengi térilghu menbelirini berpa qilishta zor qiyinchiliqlargha duch kelmekte we hazir Sherqiy Türkistanda yezilardiki Uyghur dehqanlirining tirikchilik üchün sheherlerge eqip kirish ehwali intayin eghir.

Gerche Sherqiy Türkistanning zimini pütün Xitayning ziminining 6 de bir qismigha toghra kelsimu, emma bu rayonda tagh tizmiliri, qumluq we chöllerning igelligen kölimi nahayiti zor, mewjut yeshilliqlar we térilghu yerler, Xitay hakimiyitining nöwettiki Köchmen yötkesh ehtiyajini qandurushtin tolimu yiraq, Xitay hakimiyiti peqetla Sheherlerni tereqqi qildurushqa ehmiyet bérip, yeza – qishlaqlar bilen kari bolmighini üchün, nöwette Sherqiy Türkistanning yeza igilik ishlepchiqirishi yenila iptidayi weziyette turmaqta.

Undin bashqa yene Sherqiy Türkistanda térilghu yer yetishmeslikning seweplirining biri bolsa, Xitayning ichki ölkiliridin kelgen chong shirketlerning we Nefit qidirip tekshürüsh etiretlirining munbet yerlerni qalaymiqan igelliwelip qurulush elip bérishidin ibaret..