Teklimakandiki < Yawa Ademler > ning Perzentlirimu < Qosh Tilliq Oqutush > tin Qechp Qurtulalmidi

Hotenning Keriye Nahiyesige Qarashliq Deryaboyi yézisi, Teklimakan chöllikining eng ichki qismigha jaylashqan we Sherqiy Türkistan boyiche eng chet yézilarning biri bolup, bu yéza nahiye bazirigha 230 kilomélir kélidu. 80 – yillarda Xitay muxpirliri shu yéza etrapida yashawatqan Uyghurlarni < Teklimakanda Yawa adem tepildi > dep xewer qilghan, bu heqtiki xewer < Xinjiang yashliri jornili > da elan qilinghandin kéyin, yerliklerning qattiq naraziliqini qozghighan idi. emiliyette bolsa bular < yawa adem > emes, Xitay hökümiti teripidin kari bolmay tashliwélilgen we pütünley özlirining en – eniwiy ishlepchiqirish sheklige tayinip yashap kelgen bichare dehqanlar idi. Bu yézigha wilayet turmaq, hetta nahiye emeldarliriningmu nechche 10 yillap ayighi tegip baqmighan idi. 1283 noposi bar bu iptidayi mehelle, 1989 – yiligha kelgende yéza qilip özgertilip, yéziliq partikom we hökümet tesis qilinghan idi.

Emma, shunche yillardin buyan hökümetning kari bolmighan bu yézigha, yeqinda tuyughsizla kompartiyening shepqiti tegip, yézidiki ösmür balilar atalmish < qosh tilliq oqutush > tin behriman qilinghan.

3 – ayning 6 – küni Keriye nahiyilik hökümet bu yézidiki mektep yéshigha tolghan 156 neper ösmürni mashinigha qachilap Nahiyege yötkep kélip bir bashlanghuch mektepke orunlashturghan we ömride peqetla Xitay körüp baqmighan bu bicharilerge qarita < qosh tilliq oqutush >, yeni Xitayche oqutush yolgha qoyulushqa bashlighan.

Uyghurlarning milliy ma’aripini Xitaylashturush meqsidige yélish üchün pul – malning közige qarimighan Xitay hökümiti, bu ösmürlerge birer qurdin yengi kiyim keydürüp, buni kompartiyening chong ghemhorluqi süpitide teshwiq qilishqa bashlighan.
Töwendiki sürette: Deryaboyi yézisidiki Uyghur ösmürliri Xitayche ögenmekte.