|
Ismayil Tiliwaldi, Xitay Hakimiyitining Milliy Ma’aripni Xitaylashturush
Siyasitini Medhilidi
< Xinjiang géziti > ning 3 – ayning 8 – künidiki xewiride
körsütülishiche, nöwette Bei Jingda < Memliketlik Xelq Qurultiyi > gha
qatnishiwatqan qorchaq reyis Ismayil Tiliwaldi, Xitay merkizi teliwiziye
isatansisining söhbet purogrammisigha qatniship qilghan sözide, Xitay
hökümiti teripidin Sherqiy Türkistanda jiddi türde yolgha qoyuliwatqan
atalmish < Qosh tilliq oqutush > siyasitini medhilep kökke kötergen we
Xitayning ichki ölkiliride tesis qilinghan < Xinjiang toluq ottura sinipliri
> da oquydighan Uyghur oqughuchilarning sanini dawamliq ashuridighanliqini
bayan qilghan.
Ismayil Tiliwaldi bu heqte toxtulup, < partiye we döwlitimizning ghemxorluqi
bilen Xinjiangning ma’arip ishliri zor derijide tereqqi qildi, azatliqning
desliwide aran 1000 mektep baridi, hazir 8000 din artuq mektep bar > dep
körsetken, shundaqla, 2000 – yilidin etibaren ichkiri ölkilerde < Xinjiang
toluq ottura sinipliri > tesis qilinghanliqini, hazir yiligha 5000
oqughuchining bu siniplarda oquwatqanliqini, < 11 – besh yilliq pilan >
mezgilide bu siniplargha yiligha 10 ming oqughuchi iwetishni
pilanlighanliqini bayan qilghan.
Purogrammigha, atalmish < Xinjiang toluq ottura sinipi > da oquwatqan
Qurbannisa isimlik bir Uyghur oqughuchimu teklip qilinghan bolup, bu
oqughuchi Xitayche sözligendin kéyin, Ismayil Tiliwaldi nahayiti xosh bolup,
< qaranglar, unung Xenzuchisi meningkidin köp yax’shi iken > dep maxtighan.
Xitay hakimiyitining Xitaylashturush siyasiti tüpeylidin, Sherqiy
türkistanning milliy ma’aripi tarixta misli körülüp baqmighan derijide eghir
weyranchiliqqa uchrighan we yoqulup kétish girdawigha berip bügünki künde,
özini < Uyghurlarning wekili > dewalghan Ismayil Tiliwaldining yuqarqi
bayanliri heqiqeten kishini yirgendüridu !
.
|
