< Wetenperwer Diniy Zatlar Telim – Terbiye Kursi > Ürümchide Bashlandi

< Xinjiang geziti > ning 3 – ayning 6 – künidiki xewiride körsütülishiche, 2007 – yilliq < aptonom rayonluq wetenper diniy zatlar telim – terbiye kursi > ning tunji qarar oqushi shu küni Ürümchide bashlanghan.

Yuqarqi xewerde bayan qilinishiche, bu qétimqi kurs, diniy zatlar üchün tertiplengen 3 – basquchluq telim – terbiye kursi bolup, pütünley siyasi teshwiqat asasi mezmon qilinghan buxil kurs bundin 3 yil burun bashlanghan.

Xitay hökümiti ötken yili uyushturghan 2 – basquchluq siyasi telim – terbiye kursida jem’i 4000 neper < wetenperwer diniy zat > bilen 100 neper yash diniy tayanch küchni terbiyilep chiqqan.
< Aptonom Rayonluq Partikom > ning dayimi hey’et ezasi Shöwket Imin, bu qétimqi kursning echilish murasimida qilghan sözide, pütün diniy zatlardin eitiqatchi ammini yax’shi yeteklep, < 3 xil küchler > ge bayriqi roshen halda qarshi turup, milletler ittipaqliqi, Xitayning birliki we jemiyetning muqimliqini qogh’dashqa chaqirghan.

Xitay hakimiyiti, Sherqiy Türkistanda hökümetke texsikeshlik qilmaydighan ghurorluq diniy zatlarning hemmisini < 3 xil küchler > katigoriyesige kirgüzüp, ularni asasliq zerbe bérish obikti qilip kelmekte, shundaqla Diniy saheni kommunizim üchün xizmet qildurushqa tiriship kelmekte..