Hotenning Namratliqining Sewebi, Poyez Kelmigenlikidinmish !

< Xinjiang géziti > ning 3 – ayning 4 – künidiki xewiride körsütülishiche, Bei Jingda < memliketlik siyasi meslihet kengishi yighini > gha qatnishiwatqan Mekitlik Uyghur wekil Rozi Hushur, Xitay tömüryol ministirlikige Hotenge qarita tömüryol qatnishini yolgha qoyush heqqide teklip lahiyesi sunghan.

Rozi Hoshur guruppa yighinida qilghan sözide, Hotenge Poyez qatnimighini üchün bu raynning iqtisadining tereqqi qilmighanliqini bayan qilghan.

Emiliyette bolsa poyez, yerlik xelq eng qattiq nepret qilidighan qatnash wastilirining biri, sewebi shuki, Xitaydin Sherqiy Türkistangha tutushidighan poyez léniyesini tesis qilghandin buyan, Sherqiy Türkistanning yerlik xelqi poyezgha nepret tuyghusi bilen qarap kelmekte, chünki Uyghur xelqining neziride poyez, Sherqiy Türkistangha Xitay köchmini yötkesh we Sherqiy Türkistanning tebiy bayliqini talan – taraj qilishning simowuligha aylinip qalghan.