Abdurehim Haji Iminning Bei Jingdiki Peryadi

< Xinjiang géziti > ning 3 – ayning 5 – künidiki xewiride körsütülishiche, nöwette Bei Jingda < Memliketlik siyasi meslihet kengishi yighini > gha qatnishiwatqan Uyghur wekil Abdurehim Haji Imin, gurup yighinida qilghan sözide, Sherqiy Türkistanning jenobi rayonlirining hazirmu hem nahayiti namratliq ichide turiwatqanliqini bayan qilip, merkizi hökümettin bu rayonlardiki déhqanlarning turmush sewiyesini yuquri kötürüshni telep qilghan.

Abdurehim Haji Imin, jenoptiki 3 wilayetning bolsa Sherqiy Türkistan boyiche eng namrat rayon ikenlikini, 2006 – yili Hoten wilaytidiki déhqanlarning kishi beshigha toghra kelgen yilliq kirimining aran 1499 yuan ikenlikini we bunung Sherqiy Türkistandiki déhqanlarning otturiche kirimi hisaplanghan 2742 yuandin xélila töwen ikenlikini bayan qilip kélip, < Merkizi hökümet mexsus mutexesislerni teshkillep, jenoptiki bu 3 wilayetning tereqqiyat ehwali heqqide chongqur tekshürüsh élip bérishi, bu rayonlarni döwletning alahide étibar bérish siyasetliridin behriman qilip, nuxtuluq halda yülep turghuzushi lazim > dep körsetken.

Merkizi hökümetke yene, < alahide siyasetni yolgha qoyup, jenoptiki 3 wilayetni tereqqi qildurush heqqidiki teklip lahiyesi > sunulghan.

Xitay merkizi hökümiti, Sherqiy Türkistandin kelgen wekillerning teklip lahiyesige hech bir zaman ehmiyet bergini yoq, merkizi hökümet teripidin < chong gherbi shimalni échish pilani > yolgha qoyulghan 2000 – yilidin buyan, merkez teripidin ajritilghan mebleghning hemmisi digüdek Bingtuanning we Sherqiy Türkistanda Xitay köchmenliri zich olturaqlashqan rayonlarning iqtisadini tereqqi qildurushqa serip qilinmaqta. .