|
Xitay Hakimiyiti Milliy Oqutquchilarning Hemmisini Xitayche Kurstin
Ötküzüshke Hazirlanmaqta
< Ürümchi kechlik géziti > ning 3 – ayning 2 – künidiki xewiride
körsütülishiche, Xitay hökümiti Sherqiy Türkistandiki pütün milliy ottura –
bashlanghuch mekteplerning oqutquchilirini Xitayche kurstin ötküzüshni qarar
qilghan.
< Azsanliq millet oqutquchilirining qosh tilliq kursi > dep atalghan bu
kusrlarning mudditi 2 yil bolup, tunji qararliq kurs 3 – ayning 1 – küni
Ürümchidiki < Xin Jiang Pedagogika Uniwertititi > da resmiy oqush bashlighan.
Buyil ichide 1125 neper oqutquchi bu Xitayche kurslarda terbiyilinidiken.
Yuqarqi xewerde körsütülishiche, Xitay hökümiti 2007 – yilidin 2014 –
yilighiche milliy ottura – bashlanghuch mekteplerning 13 ming 500 neper
oqutquchisini Xitayche kurstin ötküzidiken we 35 yashtin töwen bolghan
oqutquchilar asas qilinidiken.
Xitay hakimiyiti yeqinqi yillardin buyan milliy mekteplerdiki tejirbilik
Uyghur oqutquchilarni < Xitaychini bilmeydu > digen bahane bilen
mekteplerdin mejburi uzaqlashturup kelmekte.
|
