Turpan – Qomul Néfit Turobbisigha Ot Kétip, Yerlik Ahalige Jiddi Xewip Yetküzdi

< Ürümchi kechlik géziti > ning xewer qilishiche, 3 – ayning 4 – küni sa’et 12 din 45 minut ötkende, Turpan – Qomul néfit turobba léniyesining Pichan nahiyesi Lebjin yézisi tewesidiki qismida tuyuqsiz partilash weqesi yüz bérip, köp miqdardiki néfit lawuldap yénip etrapqa yeyilishqa bashlighan.

weqe yüz bergen jay yerlik ahaliler rayonigha yeqin bolghini üchün, 10 métir igizliktiki ot yalquni ahaliler rayonigha qarap ilgirileshke bashlighan. Hökümet terep derhal weqe yüzbergen jayning 500 métirliq öp – chörüsidiki ahalilerni jiddi köchürüshke bashlighan.

Hökümet terep nechche 10 lighan ot öchürüsh mashinilirini we eskerlerni seperwerlikke keltürüp, 4 sa’ettin keyin otni aran teslikte öchüriwalghan.

Bu weqening nime seweptin kélip chiqqanliqi hazirche namelum bolup, hökümet dayirliri mexsus guruppa teshkillep, weqening sewebini éniqlashqa bashlighan.

Xitay hakimiyiti teripidin Sherqiy Türkistanda tesis qilinghan néfit we tebiygaz yetküzüsh turobba léniyélirining hemmisi digüdek yerlik ahaliler rayonlirigha yeqin yaki ahaliler rayonlirini kesip ötken bolup, bumu Sherqiy Türkistan xelqining bixeterlikige zor tehdit sélip kelmekte.