Xitayda Ötken Yili 7 Milyon Kishi Köpeygen

< Germaniye dolqunliri > Radiosining 3 – ayning 2 – küni xewer qilishiche, ötken bir yil ichide Xitay boyiche 7 milyon kishi köpeygen.

Xitayning ötken yilning axirida elan qilghan statiskisida körsütülishiche, Xitayning omomiy noposi 1 milyart 344 milyondin köpirek bolup, Dunyadiki her 5 kishining birsi Xitay.

Xitayda erler 51.5 pirsentni teshkil qilghan bolup, yengi tughulghan bowaqlarning ichide oghullarning sani xélila köp iken we kelgüsi 15 yil ichide 30 milyon erkek xotun tapalmaydighan halgha chüshüp qalidiken.

Xelqaraliq kishilik hoqoq teshkilatliri, Xitay hakimiyitining pilanliq tughut siyasiti tüpeylidin, köpligen Xitaylarning yengi tughulghan qiz bowaqlarni öltürüp yaki alduriwétip oghul tépishqa yüzlengenlikini eyiplep kelgen idi.

Xitay hökümiti, ichki ölkiliride shiddet bilen bash kötürüp chiqqan nopos jehettiki zichliqni hel qilish üchün, türlük étibar bérish siyasetlirini tüzüp chiqip we uni keng kölemde teshwiq qilip, Xitaylarni Sherqiy Türkistangha bérip yerlishish’ke seperwer qilip kelmekte.
Xitayning stiratigiyélik pilani bolsa, yéqin kelgüside Sherqiy Türkistandiki Xitay köchmenlirining sanini 100 milyongha yetküzüshtin ibaret.

Nöwette Sherqiy Türkistangha peqet Poyez leniyesi arqiliqla künige 15 ming Xitay éqip kirmekte. Ötken bir yil ichide Sherqiy Türkistangha kirgen Xitay köchmenlirining sani bir milyondin ashidu