Hotenge Bei Jing’din Xitay Oqutquchilar Yötkep Kélindi

Xitay hakimiyiti Sherqiy Türkistanda bir tereptin, < Xitaychini bilmeydu > digen bahane bilen Milliy mekteplerdiki tejirbilik we kespiy iqtidari yuquri bolghan Uyghur oqutquchilarni mekteplerdin uzaqlashturup bashqa kesiplerge yüzlendürse, yene bir tereptin, < Xitayche oqutquchi yétishmeslik qiyinchiliqini hel qilish > digen nam bilen Xitayning ichki ölkiliridin Xitay köchmenlirini yötkep kélip Milliy mekteplerge oqutquchiliqqa seplep,ularni yuquri imtiyaz bilen ishlitip kelmekte.

Mesilen, < Xinjiang géziti > ning 3 – ayning 2 – künidiki xewiride körsütülishiche, Hotendiki < qosh tilliq oqutush sinipliri > gha bérip ishleydighan 25 neper Xitay oqutquchi 2 – ayning 28 – küni Ürümchige yétip kelgen. Ular Hotende bir yérim yil oqutquchiliq qilidiken.

Yuqarqi xewerde körsütülishiche, peqet 2004 – 2005 yilliri arisidila Bei Jing shehridin Hotenge 100 Xitay oqutquchi yötkep kélingen.

Yene mezkur xewerde körsütülishiche, < Chong gherbi shimalni échish > siyasiti yolgha qoyulghan 2000 – yilidin buyan Xitayning ichkiri ölkiliridin Sherqiy Türkistangha kélip milliy ottura – bahlanghuch mekteplerde Xitay tili oqutquchisi bolghan Xitaylarning sani 1000 din ashidiken.