|
Yaponiye Hökümiti Sherqiy Türkistandiki Namrat Yézilarning Ma’arip Asasi
Qurulishigha Yardem Berdi
<
Yer shari waqit géziti > ning 3 – ayning 2 – künidiki xewiride
körsütülishiche, Yaponiye hökümiti, Sherqiy Türkistandiki namrat
rayonlarning ma’arip asasi qurulushini we namrat yézilarning dawalash
mohitini yax’shilash üchün Xitay puli hasiwada 1 milyon 370 ming yuan yardem
qilghan.
Yuqarqi yardem türi heqqidiki kélishimname, 2 – ayning 28 – küni
Yaponiyening Bei Jing’da turushluq bash elchisi bilen Xitay emeldarliri
otturisida imzalanghan.
Mezkur xewerde körsütülishiche, Yaponiye téripidin bérilgen yardemdin 689
ming yuanlik qismi Guchong nahiyélik 5 – bashlanghuch mektepning mektep
binasi qurulushi üchün sérip qilinidiken. Qurulush tamamlanghandin keyin bu
mektep < Xitay – Yaponiye dosluq mektiwi > dep atilidiken.
Yaponiye elchixanisi yene bu mekteptiki oqughuchilargha 12 ming parche
depter iwétip bergen.
Yaponiye hökümiti 1995 – yilidin buyan Sherqiy Türkistanning ma’arip, sehiye
ishlirining tereqqiyati üchün jem’i 929 ming dollar yardem qilghan.
Sherqiy Türkistanda < namrat > dep atighi chiqqan yeza – qishlaqlarning
hemmisi digüdek Uyghurlar bir qeder zich olturaqlashqan jenobi rayonlarda
bolup, Yaponiye téripidin bérilgen yardemning adette Uyghurlar téripidin <
Xitay shehri > dep atalghan we iqtisadi ehwali jenoptiki nahiyelerdin köp
yax’shi bolghan Guchung nahiyesige teqsim qilinghanliqi, Dunya döwletliri we
Xelqqaraliq teshkilatlar téripidin Sherqiy Türkistangha qilinghan
yardemlerning jayigha ishlitilmigenlikini we Xitay hakimiyitining tamamen
Xitay köchmenlirining menpe’etini chiqish nuxtisi qilghanliqini körsütüp
turmaqta.
Mesilen, Xitayning resmiy statiskilirida körsütülishiche, < Sanji Tunggan
Aptonom Oblasti > gha qarashliq Guchung nahiyesining omomiy noposi 220
mingdin köpirek bolup, bunung 180 ming’gha yéqinraqi Xitay, Uyghurlarning
sani aran 15 ming etrapida, nahiyediki 87 bashlanghuch mektepning 60 tin
köpireki Xitay mektepliridin ibaret.
|
